ދުނިޔެއަށް ކުރިމަތިވެފައިވާ ހަމަނުޖެހުންތަކާއި ފަޤީރުކަމާމެދު ވިސްނަންޖެހޭ: ޝާހިދު
2 މެއި 2022 | ހޯމަ 08:33އެހީއަށް ބޭނުންވެފައިވާ މީހުންނަށް އެހީތެރިވުމުގައި ދެމިތިބުމަށް ޝާހިދު ގޮވާލެއްވި
ފޮރިން މިނިސްޓަރު ޢަބްދުﷲ ޝާހިދު- ޝާހިދު ވަނީ އެހީއަށް ބޭނުންވެފައިވާ މީހުންނަށް އެހީތެރިވުމުގައި ދެމިތިބުމަށް ގޮވާލައްވާފައި
ބަރަކާތްތެރި ރަމަޟާން މަސް ނިމުނުކަމުގައި ވީނަމަވެސް، މީހުންނާމެދު އޯގާތެރިވެ، ޙަމްދަރުދީވުމަށް ފޮރިން މިނިސްޓަރު ޢަބްދުﷲ ޝާހިދު ގޮވާލައްވައިފިއެވެ.
އދގެ އާންމު މަޖިލީހުގެ ރައީސް، އަދި ފޮރިން މިނިސްޓަރ ޢަބްދުﷲ ޝާހިދު (ނޢޢވ) ފިޠުރު ޢީދުގެ މުނާސަބަތުގައި ދެއްވި މެސެޖްގައި ވަނީ، އެހީއަށް ބޭނުންވެފައިވާ މީހުންނަށް އެހީތެރިވުމުގައި ދެމިތިބުމަށް ގޮވާލައްވާފައެވެ.
ފިޠުރު ޢީދަކީ އުފާފާޅުކޮށް، އެކުވެރިކަން އާލާ ކުރުމަށް މުސްލިމް މުޖްތަމައަށް ލިބޭ ފުރުސަތަކަށް ވީހިނދު، ދުނިޔެއަށް ކުރިމަތިވެފައިވާ ހަމަނުޖެހުންތަކާއި ފަޤީރުކަން ފަދަ ކަންތައްތަކާމެދު ވިސްނާލުމަށް ޝާހިދު ވަނީ އެދިވަޑައިގަންނަވާފައެވެ.
އަދި އިޙްސާންތެރިކަމާއި، އޯގާތެރިކަމާއި، ސުލްޙަ ފަދަ އިސްލާމީ ރިވެތި އުސޫލުތަކުގެ ތެރެއިން، މި މައްސަލަތަކަށް ހައްލު ހޯދުމަށް މަގު ހޯދުމަށްވެސް ޝާހިދު އެދިވަޑައިގެންނެވިއެވެ.
