ޕެޓްރޯލް އޮފިސީ ސެލެބްރިޓީ ރޭސް: ޝަރަފް އެލިމިނޭޓްވެއްޖެ

ރާއްޖެޓީވީ އިން ގެނެސްދޭ ރިއަލިޓީ ޝޯވ "ޕެޓްރޯލް އޮފިސީ ސެލެބްރިޓީ ރޭސް"ގެ ދެވަނަ ސީޒަންގެ 4 ވަނަ އެޕިސޯޑް ގެ ޓްރެއިލަރ މިވަނީ ދައްކާފައެވެ. މި އެޕިސޯޑްގައި ބައިވެރިންނަށް ޗެލެންޖްތަކެއް ފުރިހަމަ ކުރުމަށް ވަނީ ހަވާލުކޮށްފައެވެ.

އެލިމިނޭޝަންގައި ބައިވެރިން އެކަކު އަނެކަކަށް ވޯޓުދޭ ވަގުތު ޖެހުމުން އައްޒަ ވޯޓް ދިނީ ޝަރަފް ބޭރު ކުރުމަށެވެ. އަދި ރޯމަން ވެސް ވޯޓް ދިނީ ޝަރަފް ބޭރު ކުރުމަށެވެ. އެއީ އޭނާއަށް ހުރި ނުރައްކަލެއް ކަމަށް ބުނެއެވެ. ފަރީލާ ވޯޓް ދިނީ ވެސް ޓާސްކްއަށް ބެލުމަށްފަހު ޝަރަފް ބޭރު ކުރުމަށެވެ. ދޯނާ ވެސް ވޯޓް ދިނީ ޝަރަފް ބޭރު ކުރުމަށެވެ.

ޝޯގައި ޝަރަފް ބުނީ އޭނާއާ ދެކޮޅަށް ވޯޓް ދޭން ޖެހޭނީ ޓާސްކްތަކުގައި ރަނގަޅަށް ޕާފޯމް ނުކުރެވުމުން ކަމަށެވެ. އަދި ޝޯގައި އޭނާއާ ދެކޮޅަށް ވޯޓް ނުދޭނީ ކާކުތޯ އެހުމުން ޝަރަފް ބުނީ އޭނާއާ ދެކޮޅަށް ނޫރު ވޯޓް ނުލާނެ ކަމަށެވެ. ކަންތައް ދިމާވީ ވެސް އޭނަ ބުނި ގޮތަށެވެ. ނޫރު ޝަރަފް ޝޯ އިން ބޭރު ކުރުމަށް ވޯޓެއް ނުދެއެވެ. އެހެންކަމުން 4 ވަނަ އެޕިސޯޑުން އެލިމިނޭޓްވީ ޝަރަފްއެވެ.

ސެލެބްރިޓީ ރޭހަކީ ސަރވައިވަލް ޝޯވްއެއްގެ ގޮތުގައި ރާއްޖޭގައި ކުރިއަށްގެންދިޔަ ފުރަތަމަ ޝޯ އެވެ. މި ޝޯ ގެ ފުރަތަމަ ސީޒަން ކުރިއަށް ގެންދިޔައީ ދ. އަތޮޅުގެ 11 ފަޅު ރަށެއްގައެވެ.

ބެލުންތެރިންގެ މެދުގައި ބޮޑު މަގްބޫލުކަމެއް ލިބިގެން ދިޔަ މި ޝޯ ގެ ފުރަތަމަ ސީޒަންވެސް ފޭސްބުކް މެދުވެރިކޮށް 3 ލައްކައަށްވުރެ ގިނަ މީހުން ބަލާފައިވެއެވެ.

މިހާރުވަނީ ޝޯ ގެ ހަތަރު ވަނަ އެޕިސޯޑުގެ ޓްރެއިލަރ ވެސް އާންމުކޮށްފައެވެ.