ރަމަޟާން މަސް ފެށުނު ފަހުން މިހާތަނަށް މަދީނާގައި ހުންނަ ރަސޫލާގެ މިސްކިތް ނުވަތަ މަސްޖިދުއް ނަބަވީ އެތައް މިލިއަން މީހުންނާއެކު ވަނީ ފުރާލާފައެވެ.

މި ރަމްޟާން މަހު މިހާތަނަށް މަސްޖިދުއް ނަބަވީއަށް 14.7 މިލިއަން މީހުން އަޅުކަމުގެ ކަންކަންމުގައި ގޮސްފައިވާ އިރު، 944،000ށް ވުރެ ގިނަ މީހުން ވަނީ މިސްކިތަށް ޒިޔާރަތްކޮށްފައެވެ.

އަދި މިގޮތުން މަސްޖިދުއް ނަބަވީއަށް ޒިޔާރާތްކުރާ ފަރާތްތަކާއި އަޅުކަންކުރުމަށް ދާ ފަރާތްތަކަށް ސައޫދީ ސަރުކާރުން ލުއި އިންތިޒާމްތަކެއް ހަމަޖައްސާ ދެއްވާފައިވާ ކަމަށް ސައޫދީ ގެޒެޓް ޚަބަރުދެއެވެ.

އެގްޒެކެޓިވް އަދި ފީލްޑް އެފެއަރޒްގެ އެޑްވައިޒަރ އަދި ޑެޕިއުޓީ ޖެނެރަލް، އަބްދުލްއަޒީޒް ބިން އަލި އަލް-އައްޔޫބީ ވިދާޅުވީ މަސްޖިދުއް ނަބަވީއަށް ޒިޔާރަތްކުރާ ފަރާތްތަކުގެ އަދަދު އިތުރުވެފައިވާ ކަމަށާއި، އެފަރާތްތަކަށް ހިދުމަތް ދިނުމަށް ޚާއްސަ ޓީމެއް ތައްޔާރަށް އޮތް ކަމަށެވެ.

މިސްކިތަށް ޒިޔާރަތްކުރާ ފަރާތްތަކަށް އެހީތެރިވުމަށް މަސައްކަތް ކުރާ އެޖެންސީން 24 ގަޑި އިރު ހުއްޓުމެއް ނެތި އަންނަނީ މަސައްކަތް ކުރަމުންނެވެ. ވަކިން ހާއްސަކޮށް ރަމްޟާން މަހުގެ ފަހު ދިހައިގެ ދުވަސްތަކުގައި ދާ މީހުންގެ އަދަދު އިތުރުވުމާއެކު މަސައްކަތް ވެސް ވަނީ ފުޅާކޮށްފައެވެ.