ޔުނައިޓެޑް ވިކްޓްރީ ތިނަކަށް!

ދިވެހި ޕްރިމިއަރ ލީގުގެ ދެވަނަ ބުރުގައި ޓީސީ ސްޕޯރޓްސް ކްލަބް ބަލިކޮށް, ޔުނައިޓެޑް ވިކްޓްރީން ތާވަލްގެ ތިންވަނައަށް ޖެހިލައިފިއެވެ. ޔޫވީން މެޗު ކާމިޔާބުކުރީ 3-2 ނެވެ.

މެޗުގެ ފުރަތަމަ ހާފް ނިމުނީ 1-1 ން ދެޓީމް އެއްވަރުވެގެންނެވެ. ފުރަތަމަ ލަނޑުޖަހާ ޔޫވީން ކުރި ހޯދީ 4 ވަނަ މިނިޓްގައެވެ. އެޓީމަށް ފުރަތަމަ ލަނޑު ޖަހައިދިނީ އަލީ ހައިޝަމްއެވެ. 27 ވަނަ މިނިޓްގައި ޓީސީއަށް އެއްވަރުކޮށްދިނީ ހަމްދޫން އަބުދުލްލަތީފެވެ. އޭނާ ލަނޑު ޖެހީ ހިލޭޖެހުމަކުންނެވެ. ދެވަނަ ހާފް ފަށައިގެން ހަތްވަނަ މިނިޓްގައި ޔޫވީން ދެވަނަ ފަހަރަށް ކުރި ހޯދީ މޮހްރީ އެއިސޫކޭގެ ލަނޑުންނެވެ. އަދި އަހުމަދު ބައްސާމް މުޙައްމަދު ނައީމްގެ ލަނޑުން ލީޑް ފުޅާކުރިއެވެ. ބައްސާމްގެ ލަނޑަށް ދެވަނަ މިނިޓްގައި ޓީސީގެ ހައިސަމް ރަޝީދު ލަނޑެއްޖަހާ އުއްމީދެއް ހޯދައިދިނެވެ. އެކަމަކު ނަތީޖާއަށް އިތުރު ބަދަލެއް ނައެވެ.

ޔުނައިޓެޑް ވިކްޓްރީ ތިންވަނައަށް ޖެހިލީ 10 މެޗުން 14 ޕޮއިންޓް ހޯދައިގެންނެވެ. އެކަމަކު 9 މެޗުން 13 ޕޮއިންޓާއެކު އޮތް ވެލެންސިޔާ ހޮނިހިރުދުވަހުގެރޭ ގްރީން ސްޓްރީޓްސް ބަލިކޮށްގެން އަލުން ތިންވަނަ ހޯދޭނެއެވެ. ޓިސީ އޮތީ 10 މެޗުން 11 ޕޮއިންޓާއެކުއެވެ.

ލީގުގައި ހުކުރު ދުވަހުގެރޭ ވާދަކުރާނީ އެއްވަނާގައި އޮތް މާޒިޔާއާއި ފުލުގައި އޮތް ދަ ގްރާންޑޭއެވެ.