އެމްއޭސީއެލްގެ އެމްޑީއަށް މަހުޖޫބު
18 އެޕްރީލު 2022 | ހޯމަ 12:18އެމްއޭސީއެލް އަށް އެމްޑީއެއް އައްޔަނުކޮށްފައިމިވަނީ އެމަގާމު ހުސްކޮށް އޮންނަތާ ފަސް މަސް ދުވަސްފަހުން
އެމްއޭސީއެލްގެ މެނޭޖިންގ ޑިރެކްޓަރ މަޙްޖޫބް ޝުޖާޢު
މޯލްޑިވްސް އެއަރޕޯޓްސް ކޮމްޕެނީ ލިމިޓެޑު(އެމްއޭސީއެލް) ގެ ޑިރެކްޓަރުންގެ ބޯޑުގެ މެންބަރުކަމަށާއި މެނޭޖިންގ ޑިރެކްޓަރކަމުގެ މަޤާމަށް ހ.ރަނުވިއަ މަޙްޖޫބް ޝުޖާޢު ޢައްޔަންކޮށްފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން މަހުޖޫބު އެމްއޭސީއެލްގެ އެމްޑީ ކަމުގެ މަގާމަށް އައްޔަނުކުރިކަން އިއުލާންކޮށްފައިވަނީ ހޯމަ ދުވަހުއެވެ. އެމްއޭސީއެލް އަށް އެމްޑީއެއް އައްޔަނުކޮށްފައިމިވަނީ އެމަގާމު ހުސްކޮށް އޮންނަތާ ފަސް މަސް ދުވަސްފަހުންނެވެ.
މަހުޖޫބު ވަނީ އެއަރޕޯޓް ތަރައްގީގެ މަޝްރޫޢުގައި ސަރުކާރުގެ މަންދޫބެއްގެ ހައިސިއްޔަތުން ބައިވެރިވެވަޑައިގަންނަވާފައެވެ. މީގެއިތުރުން އެޗްޑީސީގެ މެނޭޖިންގ ޑިރެކްޓަރުކަންވެސް މަހުޖޫބު މީގެކުރިން ކުރައްވާފައިވެއެވެ.
އެމްއޭސީއެލްގެ އެމްޑީކަމުގެ މަގާމުގައި އެންމެފަހުން ހުންނެވީ އިނގިރޭސިވިލާތުގެ ގޯޑަން އެންޑްރޫއެވެ. އޭނާ މަގާމުން ވަކިކުރެއްވީ މިދިޔަ އަހަރުގެ ނޮވެމްބަރ މަހުގެ ތެރޭގައެވެ.
