ޕާކިސްތާނު މީހާގެ ބަންދަށް 15 ދުވަސް ޖަހައިފި
18 އެޕްރީލު 2022 | ހޯމަ 03:22މަރާލާފައިވާ ބަންގްލަދޭޝް މީހާއަކީ އެކެފޭގައި ވެއިޓަރެއްގެ ގޮތުގައި މަސައްކަތްކުރަމުން އައި މީހެއް
ހަމަލާގެ ތުހުމަތުގައި ހައްޔަރުކޮށްފައިވާ ޕާކިސްތާނުގެ މުހައްމަދު އާބިދު
ހުޅުމާލޭގެ ޚާންޖީ ރެސްޓޯރަންޓްގައި ހޮނިހިރު ދުވަހުގެ ހަވީރު ބަންގްލަދޭޝްގެ ވެއިޓަރަކަށް ހަމަލާދީ މަރާލި ކަމަށް ތުހުމަތުކުރާ ޕާކިސްތާނުގެ ކައްކާ މުހައްމަދު އާބިދުގެ ބަންދަށް 15 ދުވަސް ޖަހައިފިއެވެ.
ފުލުހުން ބުނީ މި މައްސަލައިގައި ހައްޔަރު ކުރި މީހާގެ ބަންދަށް 15 ދުވަސް ޖަހާދީފައިވަނީ ހުޅުމާލެ މެޖިސްޓްރޭޓް ކޯޓުން ކަމަށެވެ.
އުމުރުން 26 އަހަރުގެ މުހައްމަދު އާބިދު ވަނީ ހަމަލާދިނުމަށްފަހު ފިލާފައެވެ. އަދި ފުލުހުން އޭނާ ހޯދުމަށް އިއުލާންކުރި އިރު، ބުނެފައިވަނީ އާބިދުއަކީ ވަރަށް ނުރައްކާތެރި މީހެއް ކަމަށެވެ.
ޚާންޖީ ކެފޭގައި މަސައްކަތްކުރާ މިދެމީހުންގެ ތެރެއިން މަރާލާފައިވާ ބަންގްލަދޭޝް މީހާއަކީ އެކެފޭގައި ވެއިޓަރެއްގެ ގޮތުގައި މަސައްކަތްކުރަމުން އައި މީހެކެވެ. ބަންގްލަދޭޝް މީހާ މަރުވެފައިވަނީ ލިބިފައިވާ ޒަޚަމްތަކަށް ހޮސްޕިޓަލްގައި ފަރުވާދެމުން ދަނިކޮށެވެ. މައުލޫމާތު ލިބިފައިވާ ގޮތުގައި އާބިދު ބަންގްލަދޭޝް މީހާއަށް ހަމަލާދިނީ ހިނގި ދެބަސްވުމެއްގެ ތެރޭގައެވެ.
މިހާދިސާ އާއި ގުޅިގެން ރާއްޖޭގައި ދިރިއުޅޭ ބަންގްލަދޭޝްގެ ރައްޔިތުން ހޮނިހިރު ދުވަހުގެ ރޭ ވަނީ ރާއްޖޭގައި ހުންނަ ބަންގްލަދޭޝްގެ އެމްބަސީ ކައިރިއަށް އެއްވެ މުޒާހަރާވެސް ކޮށްފައެވެ.
މިމައްސަލަ ސީރިއަސް މައްސަލައެއްގެ ގޮތުގައި ބަލަމުން އަންނަކަމަށް ފުލުހުން ވަނީ ބުނެފައެވެ.
