ނޭމާއާއި އެމްބާޕޭ އެއް މެޗެއްގައި ހެޓްރިކް!

ބްރެޒިލްގެ ނޭމާއާއި ފްރާންސްގެ އެމްބާޕޭ އެއް މެޗެއްގައި ހެޓްރިކް ހަދާ ޓީމް މޮޅުކޮށްދީފިއެވެ. ދެތަރިން ހެޓްރިކް ހެދީ ފްރެންޗް ލީގުގައި ކްލާމެންޓް ފޫޓް އަތުން ޕީއެސްޖީ މޮޅުވި މެޗުގައެވެ.

މެޗުން ޕީއެސްޖީ މޮޅުވީ 6-1 ނެވެ. މެޗުގައި ޕީއެސްޖީގެ ލަނޑުތައް ޖެހީ ނޭމާއާއި, އެމްބާޕޭއެވެ. ނޭމާ ހްޓެރިކް ހެދީ ޕެނަލްޓީއަކާއެކުއެވެ. ހަވަނަ މިނިޓްގައި ނޭމާ ޕީއެސްޖީއަށް ފުރަތަމަ ލަނޑު ޖަހައިދިނީ މެސީ ތަނަވަސްކޮށްދިން ފުރުޞަތަކުންނެވެ. އެމްބާޕޭ ޖެހި ތިން ލަނޑުގެ ތެރެއިން ދެ ލަނޑު ޖަހަން ފުރުޞަތު ތަނަވަސްކޮށްދިނީވެސް މެސީއެވެ. މެޗުގައި ދެން އެމްބާޕޭ ލަނޑުޖެހީ ނޭމާ ތަނަވަސްކޮށްދިން ފުރުޞަތަކުންނެވެ. އަދި ނޭމާ ލަނޑުޖެހީ އެމްބާޕޭ ތަނަވަސްކޮށްދިން ފުރުޞަތަކުންނެވެ. މެޗުގައި ފެނުނީ ޒުވާން ދެފޯވާޑުންކަމަށްވާ ނޭމާއާއި, އެމްބާޕޭގެ އިތުރުން މެސީގެ ތަފާތެވެ.

މިމޮޅާއެކު ޕީއެސްޖީ އެއްވަނާގައި އޮތީ 31 މެޗުން 71 ޕޮއިންޓާއެކުއެވެ. ދެވަނާގައި ރެނެސް އޮތީ 31 މެޗުން 56 ޕޮއިންޓާއެކުއެވެ.