ފުރަތަމަ ބުރުގައިވެސް އެއްވަރު، ދެވަނަ ބުރުގައިވެސް އެއްވަރު!
10 އެޕްރީލު 2022 | އާދީއްތަ 01:08ފުރަތަމަ ބުރުގައި އެއްވަރުވީ 2-2 ން
ޔޫވީއާއި ސަސް ވާދަކުރި މެޗުގެ ތެރެއިން
ދިރާގު ދިވެހި ޕްރިމިއަރ ލީގުގެ ދެވަނަ ބުރުގައި ސުޕަރ ޔުނައިޓެޑް ސްޕޯރޓްސް (ސަސް)އާއި ޔުނައިޓެޑް ވިކްޓްރީގެ ފުރަތަމަ މެޗު އެއްވަރުވެއްޖެއެވެ. ދެޓީމް ވާދަކުރި މެޗު އެއްވަރުވީ ލަނޑެއް ނުޖެހިއެވެ.
ފުރަތަމަ ބުރުގައިވެސް މިދެޓީމް ވާދަކުރި މެޗު ނިމުނީ އެއްވަރުވެގެންނެވެ. އެކަމަކު ފުރަތަމަ ބުރުގައި އެއްވަރުވީ 2-2 ނެވެ. ދެވަނަ ބުރުގައި ދެޓީމްގެ ފުރަތަމަ މެޗު ލަނޑެއް ނުޖެހި އެއްވަރުވި ނަމަވެސް ލަނޑުޖަހަން ފުރުޞަތު ލިބުނެވެ. އެކަމަކު ހަމަހަމަ ކުޅުމެއް ފެނުނު މެޗުގައި ދެޓީމަށްވެސް ލިބުނު މަދު ފުރުޞަތުތަކުގެ ބޭނުން ނުހިފުނެވެ. މިނަތީޖާގެ ސަބަބުން ދެޓީމްވެސް އޮތީ މެޗަށް ނިކުއިން އިރުވެސް އޮތް މަޤާމްގައެވެ. ޔުނައިޓެޑް ވިކްޓްރީ ފަސް ވަނާގައި އޮތީ 10 ޕޮއިންޓާއެކުއެވެ. ސަސް ހަވަނާގައި އޮތީ 8 ޕޮއިންޓާއެކުއެވެ.
ލީގުގެ ދެވަނަ ބުރުގެ ފުރަތަމަ ހަފްތާގެ ފަހު މެޗުގައި އާދިއްތަ ދުވަހުގެރޭ ވާދަކުރާނީ ގްރީން ސްޓްރީޓްސްއާއި ދަ ގްރާންޑޭއެވެ.
