ރާއްޖެ
ސަފީރުކަމުން ވިސާމް އިސްތިއުފާ ދެއްވުން
މެލޭޝިޔާގައި ހުންނަވާ ރާއްޖޭގެ ސަފީރުކަމުން ވިސާމް އިސްތިއުފާ ދެއްވައިފި
ވިސާމް މެލޭޝިޔާގެ ސަފީރުކަމަށް އައްޔަނުކުރައްވާފައިވަނީ 2019 ވަނަ އަހަރުގެ މާރޗް މަހު
އާއިޝަތު ޝިއުރާ, ރާއްޖެ އެމްވީ | 6 އެޕްރީލު 2022 | ބުދަ 02:54
ވިސާމް އަލީއަށް ފަތްކޮޅު ހަވާލުކުރައްވަނީ
މެލޭޝިޔާގައި ހުންނަވާ ރާއްޖޭގެ ސަފީރު ވިސާމް އަލީ މަގާމުން އިސްތިއުފާ ދެއްވައިފިއެވެ.
ފޮރިން މިނިސްޓަރު ޢަބްދުﷲ ޝާހިދު ކުރެއްވި ޓްވީޓެއްގައި ވަނީ އެ މަގާމުގައި ހުންނަވާ ވިސާމް ކޮށްދެއްވާފައިވާ ޚިދުމަތްތަކަށް ޝުކުރުއަދާކުރައްވާފައެވެ. ވިސާމް މެލޭޝިޔާގެ ސަފީރުކަމަށް އައްޔަނުކުރައްވާފައިވަނީ 2019 ވަނަ އަހަރުގެ މާރޗް މަހުއެވެ. ވިސާމް މަގާމުން އިސްތިއުފާ ދެއްވި ސަބަބެއް ހާމަކުރައްވާފައި ނުވެއެވެ.
ސަފީރުކަން ކުރެއްވުމުގެ ކުރިން ވިސާމް ވަނީ ރައްޔިތުންގެ މަޖިލީހުގެ މަޑުއްވަރީ ދާއިރާގެ ގޮނޑި ފުރުއްވާފައެވެ. ވިސާމަކީ ކެންދޫ ދާއިރާގެ ކުރީގެ މެމްބަރު އަދި ޑީއާރުޕީގެ ކުރީގެ ލީޑަރު އަހުމަދު ތަސްމީން އަލީގެ އަނބިކަނބަލުންނެވެ.
