ތައިލެންޑްގައި ދިރިއުޅޭ ދިވެހި ރައްޔިތުންގެ ސަލާމަތާއި ރައްކާތެރިކަން ކަށަވަރު ކުރުމަށް މިދަނީ މަސައްކަތް ކުރަމުން: ފޮރިން މިނިސްޓްރީ
މިއަންމާއަށް އައި ބާރުގަދަ ބިންހެލުންތަކާ ގުޅިގެން އެންމެ ބޮޑެތި ގެއްލުންތަކެއް ލިބުނު އެއް ސަރަަހައްދަކީ ގިނަ އަދަދެއްގެ ދިވެހިން ދިރިއުޅެމުން އަންނަ ސަރަހައްދެއް
މިޔަންމާ ބިންހެލުން: މިއަދު، ތައިލެންޑާއި މިޔަންމާއަށް އައި ބާރުގަދަ ބިންހެލުމާ ގުޅިގެން، މި މިނިސްޓްރީ އިން ގެންދަނީ އެ ދެ ޤައުމުގެ ހާލަތު މޮނިޓަރ ކުރަމުން
މިޔަންމާއަށް އައި ބާރުގަދަ ބިންހެލުންތަކާ ގުޅިގެން އެންމެ ބޮޑެތި ގެއްލުންތަކެއް ލިބުނު އެއް ސަރަަހައްދަކީ ގިނަ އަދަދެއްގެ ދިވެހިން ދިރިއުޅެމުން އަންނަ ސަރަހައްދެއް ކަމަށާއި އެހެން ކަމުން ތައިލެންޑްގައި ދިރިއުޅޭ ދިވެހި ރައްޔިތުންގެ ސަލާމަތާއި ރައްކާތެރިކަން ކަށަވަރު ކުރުމަށް ތައިލެންޑްގައި ހުންނަ ދިވެހިރާއްޖޭގެ އެމްބަސީ މެދުވެރިކޮށް މަސައްކަތް ކުރަމުންގެންދާ ކަމަށް ފޮރިން މިނިސްޓްރީން ބުނެފިއެވެ.
އެ މިނިސްޓްރީން މިހެން ބުނެފައި މިވަނީ ހުކުރު ދުވަހު މިޔަންމާއަށް އައި 7.7 މެގްނިޓިއުޑާއި 6.4 މެގްނިޓިއުޑްގެ ބިންހެލުމާއި ގުޅިގެން ނެރުނު ނޫސްބަޔާނެއްގައި އެވެ.
އެމެރިކާގެ ޖިއޮލޮޖިކަލް ސާވޭ (ޔޫއެސްޖީއެސް) އިން ބުނާ ގޮތުގައި މިއަންމާއަށް އެކުއެކީގައި ދެ ބިންހެލުމެއް އައިސްފަ އެވެ. ފުރަތަމަ އައީ 7.7 މެގްނިޓިއުޑްގެ ބިންހެލުމެކެވެ. އެއަށް ފަހު 6.4 މެގްނިޓިއުޑްގެ ބިންހެލުމެއް ހަމަ އެ ސަރަހައްދަށް އައި ކަމަށް ރިކޯޑްކުރެވިފައިވެ އެވެ.
މި ބިންހެލުންތައް އައިސްފައި ވަނީ ރާއްޖެ ގަޑިން ހުކުރު ދުވަހުގެ ހެނދުނު 11:32 ހާއިރު އެވެ.
ބިންހެލުންތަކުގައި ބޮޑެތި ގެއްލުންތަކެއް ލިބުނު އެއް ސަރަަހައްދަކީ ގިނަ އަދަދެއްގެ ދިވެހިން ދިރިއުޅެމުން އަންނަ ސަރަހައްދެކެވެ.
މިކަމާއި ގުޅިގެން ފޮރިންސް މިނިސްޓަރީން ނެރުނު ބަޔާނެއްގައި ބުނީ ހުކުރު ދުވަހު ތައިލެންޑާއި މިޔަންމާއަށް އައި ބާރުގަދަ ބިންހެލުމާ ގުޅިގެން، އެ ދެ ޤައުމުގެ ހާލަތު މޮނިޓަރ ކުރަމުން އަންނަ ކަމަށާއި މިގޮތުން، ތައިލެންޑްގައި ދިރިއުޅޭ ދިވެހި ރައްޔިތުންގެ ސަލާމަތާއި ރައްކާތެރިކަން ކަށަވަރު ކުރުމަށް ތައިލެންޑްގައި ހުންނަ ދިވެހިރާއްޖޭގެ އެމްބަސީ މެދުވެރިކޮށް މި މިނިސްޓްރީ އިން މަސައްކަތް ކުރަމުން އަންނަކަމަށެވެ.
އަދި މިހާތަނަށް ބެލިބެލުމުން އެ ޤައުމުގައި ދިރިއުޅޭ ދިވެހިންގެ ޙާލުރަނގަޅުކަމަށް ވަނީ މައުލޫމާތު ލިބިފައި ކަަމަށާއި އަދި މިޔަންމާގައި އެއްވެސް ދިވެހި ރައްޔިތަކުމިވަގުތު ހުރިތޯބެލުމަށް ޑިޕްލޮމެޓިކް ޗެނަލްތައް މެދުވެރިކޮށް މިދަނީ މަސައްކަތް ކުރަމުން ކަމަށް ބަޔހާނުގައި ބުނެފައި ވެއެވެ.
މިއަދު، ތައިލެންޑާއި މިޔަންމާއަށް އައި ބާރުގަދަ ބިންހެލުމާ ގުޅިގެން، މި މިނިސްޓްރީ އިން މި ގެންދަނީ އެ ދެ ޤައުމުގެ ހާލަތު މޮނިޓަރ ކުރަމުންނެވެ. މިގޮތުން، ތައިލެންޑްގައި ދިރިއުޅޭ ދިވެހި ރައްޔިތުންގެ ސަލާމަތާއި ރައްކާތެރިކަން ކަށަވަރު ކުރުމަށް ތައިލެންޑްގައި ހުންނަ ދިވެހިރާއްޖޭގެ އެމްބަސީ މެދުވެރިކޮށް މި މިނިސްޓްރީ އިން މިދަނީ މަސައްކަތް ކުރަމުންނެވެ. މިހާތަނަށް ބެލިބެލުމުން އެ ޤައުމުގައި ދިރިއުޅޭ ދިވެހިންގެ ޙާލުރަނގަޅުކަމަށް ވަނީ މައުލޫމާތު ލިބިފައެވެ. އަދި މިޔަންމާގައި އެއްވެސް ދިވެހި ރައްޔިތަކުމިވަގުތު ހުރިތޯބެލުމަށް ޑިޕްލޮމެޓިކް ޗެނަލްތައް މެދުވެރިކޮށް މިދަނީ މަސައްކަތް ކުރަމުންނެވެ.ފޮރިން މިނިސްޓްރީގެ ބަޔާން
މި ކާރިސާއާ ގުޅިގެން ތައިލެންޑާއި މިޔަންމާއިން ވަނީ ކުއްލި ހާލަތު އިއުލާނު ކޮށްފައި ކަމަށާއި އެހެންކަމުން އެ ދެ ޤައުމުގެ ކަމާބެހޭ އިދާރާތަކުން މިކަމާ ގުޅިގެން އަންގާ އެންގުންތަކަށް ސަމާލުވެ އެއާ އެއްގޮތަށް ޢަމަލު ކުރުމަށް އެ ދެ ޤައުމުގައި ތިބި ދިވެހި ރައްޔިތުންނަށް އިލްތިމާސްކުރާ ކަމަށް ވެސް މިނިސްޓްރީގެ ބަޔާނުގައި ވަނީ ބުނެފަ އެވެ.
މި ކާރިސާއާ ގުޅިގެން، ތައިލެންޑްގައި ތިބި ދިވެހި ރައްޔިތުންގެ ތެރެއިން އެއްވެސް ބޭފުޅަކު އެހީތެރި ކަމެއް ބޭނުންވާނަމަ، ނުވަތަ އިތުރު މަޢުލޫމާތު ސާފުކުރަން ބޭނުންވާނަމަ، ތައިލެންޑްގައި ހުންނަ ދިވެހިރާއްޖޭގެ އެމްބަސީގެ ހޮޓްލައިން ނަންބަރަށް ނުވަތަ މިނިސްޓްރީގެ ހޮޓްލައިން ނަންބަރަށް ގުޅައިގެން މައުލޫމާތު ސާފުވާނެ ކަމަށް މިނިސްޓްރީން ވަނީ އެދިފައެވެ.
އަދި މިޔަންމާގައި މިވަގުތު އެއްވެސް ދިވެހި ރައްޔިތެއްވާނަމަ، އަދި އެ އެފަރާތަކަށް އެއްވެސް އެހީތެރިކަމެއް ބޭނުންވާނަމަ، ތިރީގައި މިވާ ނަމްބަރުތަކަށް ލަސްނުކޮށް ގުޅުމަށް ވެސް މިނިސްޓްރިން ވަނީ އިސްތިމާސް ކޮށްފައެވެ.
އެމްބަސީ ހޮޓްލައިން ނަންބަރު: 611766502 66+
މިނިސްޓްރީ ހޮޓްލައިން ނަންބަރު:9607983400+
ގައުމީ މޫސުމާ ބެހޭ އިދާރާ، މޯލްޑިވްސް މީޓިއޮރޮލޮޖިކަލް ސާވިސްއިން ބުނީ މާލެ އާ 3،121 ކިލޯމީޓަރު ދުރުން އައި މި ބިންހެލުމުގެ އަސަރު ރާއްޖެއަށް ކުރާނެ ކަމަށް ނުފެންނަ ކަމަށެވެ.
