ޓެކްސީއަށް އަރާ މީހުންނަށް ބިރުދައްކައި އިންޒާރުދިން މައްސަލައެއްގައި ކާރުގެ ޑްރައިވަރަކު ހައްޔަރުކޮށްފި
ހައްޔަރުކޮށްފައިވަނީ 31 އަހަރުގެ ފިރިހެނެއް
ތަހާރަތު މުހައްމަދު ވަހީދު | 7 ޖޫން 2017 | ބުދަ 11:21
މާލޭގެ ޓެކްސީއެއް. ޓެކްސީއަށް އަރާ މީހުންނަށް ބިރުދައްކައި އިންޒާރުދިން މައްސަލައެއްގައި ކާރުގެ ޑްރައިވަރަކު ވަނީ ހައްޔަރުކޮށްފައި
ޓެކްސީއަށް އަރާ މީހުންނަށް ބިރުދައްކައި އިންޒާރުދިން މައްސަލައެއްގައި ކާރުގެ ޑްރައިވަރަކު ހައްޔަރުކޮށްފިއެވެ.
ފުލހުން ބުނީ އެމައްސަލައާއި ގުޅިގެން ހައްޔަރުކޮށްފައިވަނީ 31 އަހަރުގެ ފިރިހެނެއްކަމަށެވެ.
އެމީހާ ހައްޔަރު ކޮށްފައިވަނީ އަންގާރަދުވަހުގެ ރޭގައެވެ.
އެމީހާ މިހާރު ފުލހުންގެ ބެލުމުގެ ދަށަށް ގެނެސްފައިވާއިރު އެމައްސަލަ ދަނީ ތަހުގީގު ކުރަމުން ކަމަށް ފުލުހުން ބުނެއެވެ.
މީގެ ކުރިންވެސް ސޯޝަލްމީޑިއާގައި އެކި ފަރާތްތަކުން ވަނީ ޓެކްސީއަށް އަރާ މީހުންނަށް ބިރުދައްކައި އިންޒާރުދޭކަމަށް ބުނެ އެކި ޕޯސްޓްތައް އާންމު ކޮށްފައެވެ.
