އެޕަލް ބިސްކަޓް ފަޖް

މިއީ ފަސޭހައިން ތައްޔާރުކޮށްލެވިދާނެ ފޮނިކާއެއްޗެކެވެ.

އެންމެ ފުރަތަމަ އެއް އާފަލު ގާނާލުމަށްފަހު، އޭގެ ތެރެއަށް ދެ ސަމުސާ ހަކުރާއި، ސިނަމަން ޕައުޑަރ އާއި ބަޓަރު އަޅައިގެން އެއްކޮށްލާށެވެ. އެއަށްފަހު 13 މިނިޓް ވަންދެން ކައްކާށެވެ. ކައްކާނީ އާފަލްތައް މަޑުވަންދެންނެވެ. ބޭނުންވާ ވަރަށް އާފަލްތައް މަޑުވުމުން ބިސްކޯދު ފުޑުކޮށްފައި، ބިސްކޯދާއި ވޯލްނަޓް އަޅައިގެން އެއްކޮށްލާށެވެ. ދެން ޓްރޭއެއްގައި ފަތުރާލާށެވެ.

އެއަށްފަހު ބޯތައްޓަކަށް ކޯން ފްލަރ އާއި އެއް ޖޯޑު މިލްކު އަޅައިގެން ރަނގަޅަށް ގިރާލާށެވެ. ކުރިން ތައްޔާރުކޮށްފައިހުރި އާފަލް ޓްރޭގެ ޓޮޕްލޭޔަރ ތައްޔާރުކޮށްލުމަށް އާފަލެއް ކިއުބްކޮށް ކޮށާލުމަށްފަހު، ތަވައެއްގައި ބަޓަރު ކޮޅަކާއި 2 ސަމުސާ ހަކުރާއި ކުޑަ ސިނަމަން ޕައުޑަރ އަޅައިގެން މަޑު ގިނީގައި 8 ނުވަތަ 10 މިނިޓް ވަންދެން ކައްކާށެވެ. އޭރަށް އާފަލްތައް މަޑުވާނެވެ. މަޑުވުމުން އާފަލުކޮޅެއް ނަގާފައި ބަހައްޓާށެވެ. އެއީ ފަހުން ބޭނުންކޮށްލާށެވެ. ދެން ކުރިން ގިރާލި މިލްކް އާއި ހަކުރު ކޮޅެއް އަޅައިގެން އާފަލް އޮލަވަންދެން ކައްކާށެވެ. އެއަށްފަހު ކުރިން ތައްޔާރުކުރި އެޕަލް ޓްރޭގެ މައްޗަށް އަޅާލާށެވެ. ދެން ކުރިން ކިއުބްކޮށް ކެއްކި އާފަލުން އެތިކޮޅަކާއި ޗޮޕް ކޮށްފައި ހުރި ވޯލްނަޓުން ގާނިޝް ކޮށްލާށެވެ.