ވެޓަރެންސް ލީގު އެބައޮތް، އެކަމަކު ބޮޑު ނަމެއް ނެތް!
މުބާރާތް ހޯމ ދުވަހު ފަށާނެ
ކުރީ އަހަރެއްގެ މުބާރާތުގެ ގުރުއަތުލުމުގެ ތެރެއިން
މެދުކެނޑުމަކަށްފަހު ވެޓަރެންސް ލީގު އަންނަ ހޯމަ ދުވަހު ފަށަން ނިންމައިފިއެވެ.
ވެޓަރެންސް ލީގު މިފަހަރު ބާއްވަނީ އެފްއޭއެމްއާއި ގުޅިގެން ކްލަބް އިވެންޓްސްއިންނެވެ.
ކޯވިޑްގެ ސަބަބުންނާއެކު ތިން އަހަރުގެ މެދުކެނޑުމަކަށްފަހު އަލުން މުބާރާތް ބާއްވާއިރު ރާއްޖޭގެ ބޮޑު ނަމެއް ނެތެވެ. މުބާރާތް އެންމެ ގިނައިން ކާމިޔާބުކުރި ވެލެންސިޔާއާއި, ދެވަނައަށް އެންމެ ގިނައިން މުބާރާތް ކާމިޔާބުކުރި ނިއުރޭޑިއަންޓާއި, އެންމެ ފަހުން ގަދަބާރެއްގެ ގޮތުގައި އޮތް މާޒިޔާވެސް ވާދައެއް ނުކުރެއެވެ. ވިކްޓްރީއެއްވެސް ނެތެވެ. ފުރަތަމަ ޑިވިޝަންގައި މިހާރު ވާދަކުރަމުންދާ ޓީމްތަކުގެ ތެރެއިން މުބާރާތުގައި ވާދަކުރަނީ ކްލަބް އީގަލްސްއާއި ގްރީން ސްޓްރީޓްސްއާއި, ދަ ގްރާންޑޭއެވެ. މުބާރާތުގައި ދެން ވާދަކުރަނީ ދިވެހި ސިފައިންގެ ކްލަބާއި, ޕޮލިސް ކްލަބާއި, އެމް.އެސް މޭޓްސްއާއި, ހުޅުމާލެ ވެޓަރެންސް ކްލަބެވެ.
ހަތް ޓީމް ވާދަކުރާ މުބާރާތުގެ ފައިނަލަށްދާނީ ލީގު ބުރެއް ކުޅެ, އެންމެ ގިނަ ޕޮއިންޓް ހޯދާ ދެޓީމެވެ. މުބާރާތުގެ ފުރަތަމަ މެޗުގައި ވާދަކުރާނީ ގްރީން ސްޓްރީޓްސްއާއި ހުޅުމާލެ ވެޓަރެންސް ކްލަބެވެ. މެޗުތައް ކުޅޭނީ ޓާފް ދަނޑުގައެވެ.
