ރޮނާލްޑޯ ވޯލްޑްކަޕުން ފެންނާނެ

މިއަހަރުގެ ނޮވެމްބަރުމަހު ޤަތަރުގައި ފަށާ ވޯލްޑްކަޕުން ޕޯޗްގަލް ޖާގަ ޔަޤީންކޮށްފިއެވެ. ޕޯޗްގަލް ޖާގަ ޔަޤީންކުރީ ޔޫރަޕްގެ ޕްލޭއޮފްގައި 2-0 ން މެސެޑޯނިޔާ ބަލިކޮށްގެންނެވެ.

މެޗުން ޕޯޗްގަލް މޮޅުކޮށްދޭން ދެ ގޯލްވެސް ޖެހީ މެންޗެސްޓަރ ޔުނައިޓެޑްގެ މިޑްފީލްޑަރު ބުރޫނޯ ފެނާޑޭސްއެވެ. ފުރަތަމަ ހާފްގައި ފުރަތަމަ ލަނޑު އޭނާ ޖެހީ ރޮނާލްޑޯ ތަނަަވަސްކޮށްދިން ފުރުޞަތަކުންނެވެ. ދެވަނަ ލަނޑު ޖަހަން ދެވަނަ ހާފްގައި ފުރުޞަތު ތަނަވަސްކޮށްދިނީ ޖޮޓާއެވެ. މި މުހިއްމު މޮޅާއެކު ރޮނަލްޑޯގެ އިތުރުންވެސް މަޝްހޫރު ތަރިންތަކަކަށް ވޯލްޑްކަޕްގެ ޖާގަ ޔަޤީންވީއެވެ. ރޮނާލްޑޯގެ އިތުރުން ޕޯޗްގަލްގައި ހިމެނޭ ތަރިންގެ ތެރޭގައި ދެ ލަނޑު ޖެހި ބުރޯނޯ ފެނާންޑޭޒް, ކާންސޭލޯ, ރިބެން ޑިއާޒް, ބާނާޑޯ ސިލްވާ, ޖޮޓާ, ޕެޕޭ ފަދަ ކުޅުންތެރިން ހިމެނެއެވެ. ކުރިއަށް އޮތް ވޯލްޑްކަޕްުން ގާތ ޕެޕޭއާއި ރޮނަލްޑޯގެ ފަހު ވޯލްޑްކަޕަށެވެ.

ޕޯޗްގަލް ވޯލްޑްކަޕުން ޖާގަ ހޯދީ އިޓަލީއާއި އެއް ފަޅިއެއްގައި ހިމެނިގެންނެވެ. އިޓަލީ ކެޓީ މެސެޑޯނިޔާ އަތުން ބަލިވެގެންނެވެ. އެހެންކަމުން ވޯލްޑްކަޕްގެ ޖާގަ ހޯދަން އިޓަލީއާ ވާދަކުރާކަށް ޕޯޗްގަލްއަށް ނުޖެހުނެވެ.

ޕްލޭއޮފްގައި 2-0 ން ސްވިޑުން ބަލިކޮށް, ޕޮލެންޑްވެސް ވަނީ ވޯލްޑްކަޕްގެ ޖާގަ ޔަޤީންކޮށްފައެވެ. ލެވާންޑޯސްކީގެ ޕޮލެންޑް ވޯލްޑްކަޕްގެ ޖާގަ ޔަޤީންކުރި މެޗުގައިވެސް ފުރަތަމަ ލަނޑު ޖެހީ އޭނާއެވެ. އެކަމަކު ލެވަންޑޯސްކީ ލަނޑުޖެހީ ޕެނަލްޓީއަކުންނެވެ. ޒިއެލެންސްކީއެވެ.