ގޯލްޑަން ފުޓްސަލް ޗެލެންޖްގެ ސެމީގައި ތިމަރަފުށްޓާއި ކުޑަހުވަދޫ!
26 މާރިޗު 2022 | ހޮނިހިރު 04:55ދެވަނަ ސެމީގައި މާލެގަންއާއި ގާފަރު
ކްއާޓަރ ފައިނަލްގައި ލަނޑުޖެހުމަށްފަހު ތިމަރަފުށި ކުޅުންތެރިން
ގޯލްޑަން ފުޓްސެލް ޗެލެންޖްގެ ސެމީފައިނަލްގައި ޗެމްޕިއަން ތިމަރަފުށްޓާއި, ކުޑަހުވަދޫ ވާދަކުރަން ޖެހިއްޖެއެވެ. ދެވަނަ ސެމީފައިނަލްގައި ވާދަކުރާނީ މާލެގަން (ފުވައްމުލައް) އާއި ކ.ގާފަރެވެ.
ތިމަރަފުށި ސެމީފައިނަލުން ޖާގަ ހޯދީ ކްއާޓަރ ފައިނަލްގައި 8-2 ން ރ.ދުވާފަރު ބަލިކޮށްގެންނެވެ. ކުޑަހުވަދޫ ސެމީފައިނަލަށް ދަތުރުކުރީ އޭދަފުށި ބަލިކޮށްގެންނެވެ. ކްއާޓަރ ފައިނަލްގައި އޭދަފުށީގެ މައްޗަށް ކުޑަހުވަދޫ ކުރި ހޯދީ ޕެނަލްޓީ ޖަހައިގެންނެވެ. މެޗުގެ ފުރިހަމަ ވަގުތު ހަމަވީ 4-4 ން ދެޓީމް އެއްވަރުވެގެންނެވެ. ޕެނަލްޓީއާއެކު ކުޑަހުވަދޫ މެޗު ކާމިޔާބުކުރީ 7-6 ނެވެ. ކުޑަހުވަދޫ ސެމީއަށްދިޔައީ އޭދަފުށީގެ ފަހު ޕެނަލްޓީ ކީޕަރު މަތަކުރުމުންނެވެ.
މާލެގަން ސެމީފައިނަލަށް ދަތުރުކުރީ ކްއާޓަރ ފައިނަލްގައި 3-1 ން ހުޅުމާލެ ބަލިކޮށްގެންނެވެ. ސެމީގައި މާލެގަން ވާދަކުރަން ޖެހެނީ ގާފަރާއެވެ. ކ.ގާފަރު ސެމީއަށް ދަތުރުކުރީ 4-0 ން މާފަންނު ބަލިކޮށްގެންނެވެ.
