އއ ގެ ޗެމްޕިއަންކަން ބޮޑުފޮޅުދޫ އަދި އދ.ގެ ޗެމްޕިއަންކަން މާމިގިލި ހޯދައިފި

ސޮނީ ސްޕޯރޓްސް ގޯލްޑަން ފުޓްސަލް ޗެލެންޖްގެ އއ.އަތޮޅުގެ ޗެމްޕިއަންކަން ބޮޑުފޮޅުދޫ އަދި އދ.އަތޮޅުގެ ޗެމްޕިއަންކަން މާމިގިލިން ހޯދައިފިއެވެ.

ބޮޑުފޮޅުދޫން ޗެމްޕިއަންކަން ހޯދީ ފައިނަލްގައި މަތިވެރި ބަލިކޮށްގެންނެވެ. ބޮޑުފޮޅުދޫ ފައިނަލް މެޗު ކާމިޔާބުކުރީ 5-2 ނެވެ. އއ.އަތޮޅުގެ މޮޅު ކުޅުންތެރިއަކީ ބޮޑުފޮޅުދޫގެ އަހުމަދު ރިއުޝާންއެވެ. އެންމެ ގިނަ ލަނޑުޖަހައިގެން ރަންބޫޓް ހޯދީ މަތިވެރީގެ ޒުވާން ކުޅުންތެރިޔާ އަލީ އަލްސަންއެވެ.

މާމިގިލިން ޗެމްޕިއަންކަން ހޯދީ ފުޓްބޯޅައިގައި މަޝްހޫރު މަހިބަދޫ ފައިނަލްގައި ބަލިކޮށްގެންނެވެ. ފައިނަލް މެޗު މާމިގިލިން ކާމިޔާބުކުރީ 3-2 ނެވެ. އދ.އަތޮޅުގެ މޮޅު ކުޅުންތެރިއަކީ މަހިބަދޫގެ އަބުދުالله މިދުހަތުއެވެ. އެންމެ ގިނަ ލަނޑު ޖަހައިގެން ރަންބޫޓް ހޯދީ މާމިގިލީގެ ހިސާމް ސަލީމްއެވެ.