ސޮނީ ސްޕޯރޓްސް ގޯލްޑަން ފުޓްސަލް ޗެލެންޖްގެ ގދ.އަތޮޅުގެ ޗެމްޕިއަންކަން ވާދޫ އަދި ޅ.އަތޮޅުގެ ޗެމްޕިއަންކަން ކުރެންދޫން ހޯދައިފިއެވެ.

ވާދޫން ޗެމްޕިއަންކަން ދިފާއުކުރީ ފައިނަލްގައި ގައްދޫއާ ވާދަކޮށް ކުރި ހޯދައިގެންނެވެ. ވާދޫން ފައިނަލް މެޗު ކާމިޔާބުކުރީ 2-0 ނެވެ. މެޗުގައި ވާދޫން ދެގޯލްވެސް ޖެހީ ދެވަނަ ހާފްގައެވެ.

ޅ.އަތޮޅުގެ ޗެމްޕިއަންކަން ކުރެންދޫން ހޯދީ އަތޮޅުން ވާދަކުރި އަނެއް ޓީމްކަމަށްވާ ހިންނަވާ ވާދަކުރި ދެވަނަ ލެގު 1-1 ން އެއްވަރުވެ, ދެ ލެގްގެ އެގްރިގޭޓުން ކުރި ހޯދައިގެންނެވެ. ކުރެންދޫއަށް ކުރިލިބުނީ 2-1 ގެއެގްރިގޭޓުންނެވެ.

މުބާރާތުގައި މިއަދާއި މިރޭ ހަތް އަތޮޅެއްގެ ފައިނަލް ކުޅޭނެއެވެ.