ކުޅިވަރު
ގޯލްޑަން ފުޓްސަލް ޗެލެންޖް
ގދ.އަތޮޅުގެ ޗެމްޕިއަންކަން ވާދޫއަށް، ޅ.އަތޮޅު ޗެމްޕިއަނަކީ ކުރެންދޫ
މިއަދާއި މިރޭ ހަތް ފައިނަލް ކުޅޭނެ
ޙަފްޞީ ޢަބްދުالله, ރާއްޖެ އެމްވީ | 25 ފެބުރުއަރީ 2023 | ހޮނިހިރު 10:30
ގދ.އަތޮޅުގެ ޗެމްޕިއަން ވާދޫ ޓީމުން ތަށްޓާއެކު އުފާފާޅުކުރަނީ
ސޮނީ ސްޕޯރޓްސް ގޯލްޑަން ފުޓްސަލް ޗެލެންޖްގެ ގދ.އަތޮޅުގެ ޗެމްޕިއަންކަން ވާދޫ އަދި ޅ.އަތޮޅުގެ ޗެމްޕިއަންކަން ކުރެންދޫން ހޯދައިފިއެވެ.
ވާދޫން ޗެމްޕިއަންކަން ދިފާއުކުރީ ފައިނަލްގައި ގައްދޫއާ ވާދަކޮށް ކުރި ހޯދައިގެންނެވެ. ވާދޫން ފައިނަލް މެޗު ކާމިޔާބުކުރީ 2-0 ނެވެ. މެޗުގައި ވާދޫން ދެގޯލްވެސް ޖެހީ ދެވަނަ ހާފްގައެވެ.
ޅ.އަތޮޅުގެ ޗެމްޕިއަންކަން ކުރެންދޫން ހޯދީ އަތޮޅުން ވާދަކުރި އަނެއް ޓީމްކަމަށްވާ ހިންނަވާ ވާދަކުރި ދެވަނަ ލެގު 1-1 ން އެއްވަރުވެ, ދެ ލެގްގެ އެގްރިގޭޓުން ކުރި ހޯދައިގެންނެވެ. ކުރެންދޫއަށް ކުރިލިބުނީ 2-1 ގެއެގްރިގޭޓުންނެވެ.
މުބާރާތުގައި މިއަދާއި މިރޭ ހަތް އަތޮޅެއްގެ ފައިނަލް ކުޅޭނެއެވެ.
