ތ.އަތޮޅުގެ ޗެމްޕިއަންކަން ކިނބިދޫއަށް، ލ.އަތޮޅު ޗެމްޕިއަންކަން ހޯދީ ގަން
މުބާރާތުގައި މިހާރު ކުޅެނީ އަތޮޅު ފައިނަލްތައް
ޙަފްޞީ ޢަބްދުالله | 25 ފެބުރުއަރީ 2023 | ހޮނިހިރު 05:02
ލ.އަތޮޅު ޗެމްޕިއަން ގަން ޓީމް
ސޮނީ ސްޕޯރޓްސް ގޯލްޑަން ފުޓްސަލް ޗެލެންޖްގެ ތ.އަތޮޅުގެ ޗެމްޕިއަންކަން ކިނބިދޫ އަދި ލ.އަތޮޅުގެ ޗެމްޕިއަންކަން ގަން ހޯދައިފިއެވެ.
ކިނބިދޫން ތ.އަތޮޅުގެ ޗެމްޕިއަންކަން ހޯދީ އެންމެ ފަހުގެ ޗެމްޕިއަން ތިމަރަފުށި ފައިނަލްގައި ބަލިކޮށްގެންނެވެ. ކިނބިދޫން ފައިނަލް މެޗު ކާމިޔާބުކުރީ 3-2 ނެވެ. ތ.އަތޮޅުގެ އެންމެ މޮޅު ކުޅުންތެރިއަކީ ތިމަރަފުށީގެ އިބްރާހީމް ހަމްދާނެވެ. އެންމެ ގިނަ ލަނޑު ޖަހައިގެން ރަންބޫޓް ހޯދީވެސް ހަމްދާންއެވެ.
ލ.އަތޮޅުގެ ޗެމްޕިއަންކަން ގަން ޓީމް ހޯދީ ފައިނަލްގައި އިސްދޫ ބަލިކޮށްގެންނެވެ. ފައިނަލް މެޗު ގަމުން ކާމިޔާބުކުރީ 4-0 ނެވެ. ލ.އަތޮޅުގެ މޮޅު ކުޅުންތެރިއަކީ ޗެމްޕިއަން ޓީމްގެ އަލީ ސާމިޝްއެވެ. އެންމެގިނަ ލަނޑުޖަހައިގެން ރަންބޫޓް ހޯދީ އިސްދޫގެ އަލީ ހުމޭޒުއެވެ.
