މިއަދު މެރިން ކޯރ އަކީ ގައުމީ ދިފާއީ ބާރުގެ ފަހުރުވެރި އެއްގަމު ލަޝްކަރު: ޝަމާލް
މިހާރު މިވަނީ ފުރިހަމަވެފައިވާ މެރިން ކޯރ އެއްގެ ގޮތުގައި މި މިމެރިން ކޯރ ގާއިމުކުރެވިފައިކަމަށް ޝަމާލް ވިދާޅުވި
ޗީފް އޮފް ޑިފެންސްއާއެކު ބޭއްވި ނޫސްވެރިންގެ ބައްދަލުވުން
މިއަދު މެރިން ކޯރ އަކީ ގައުމީ ދިފާއީ ބާރުގެ ފަހުރުވެރި އެއްގަމު ލަޝްކަރުކަމަށް ޗީފް އޮފް ޑިފެންސް ފޯރސް މޭޖަރ ޖެނެރަލް އަބްދުﷲ ޝަމާލް ވިދާޅުވެއްޖެއެވެ.
ރާއްޖެޓީވީގެ ފަލަސުރުޚީ ޕްރޮގްރާމަށް ދެއްވި އިންޓަރވިއުއެއްގައި ވާހަކަދައްކަވަމުން ޝަމާލް ވިދާޅުވީ މީގެ 35 އަހަރު ކުރިން ޓާސްކް ފޯސް ޔުނިޓެއްގެ ގޮތުގައި އުފެދުނު މިޔުނިޓް ފަހުން އައިސް 1990ގެ އަހަރުގެ ތެރޭގައި ކުއިކް ރިއެކްޝަން ފޯރސް އެއްގެ ގޮތުގައި ގާއިމުކުރެވިފައިވާކަމަށެވެ. އަދި އޭގެފަހުން މިހާރު މިވަނީ ފުރިހަމަވެފައިވާ މެރިން ކޯރ އެއްގެ ގޮތުގައި މި މިމެރިން ކޯރ ގާއިމުކުރެވިފައިކަމަށް ޝަމާލް ވިދާޅުވިއެވެ.
ޝަމާލް ވިދާޅުވީ މެރިން ކޯރ އިން ގެންދަނީ އެކި ގައުމުތަކުގެ އަސްކަރިއްޔާތަކާއެކު ތަފާތު އެކި ޓްރެއިނިންގ ޕްރޮގްރާމްތައް ކުރިޔަށް ގެންދަމުން ކަމަށެވެ.
ޝަމާލް ވިދާޅުވީ މެރިން ކޯރގެ މައިގަނޑު މަސްއޫލިއްޔަތުތަކުގެ ތެރޭގައި ރާއްޖޭގެ ރަށްތަކާއި ރާއްޖޭގެ އެއްގަމުގެ ސަރަހައްދާއި އަދި ހަމައެހެންމެ ކްރިޓިކަލް އިންފްރާސްޓަރަކްޗަރުތަކުގެ ސަލާމަތީ ކަންކަން ބެލެހެއްޓުންވެސް ހިމެނޭކަމަށެވެ. އޭގެތެރޭގައި އެއަރޕޯޓްތަކާއި އަދި ދައުލަތުގެ ޚާއްސަ މަރުކަޒުތަކަކީވެސް މެރިން ކޯރ އިން ބަލަހައްޓަމުންދާ ތަންތަން ކަމަށް ޝަމާލް ވިދާޅުވިއެވެ.
