އޭސީސީއަށް މެމްބަރުން އައްޔަން ކުރަން ނިންމީ، އޭސީސީގައި ތިއްބެވި ފަސް މެންބަރުން ޑިސެމްބަރު މަހު އިސްތިއުފާ ދެއްވުމުން
ރައްޔިތުންގެ މަޖިލީހުގެ ޖަލްސާގެ ތެރެއިން
އެންޓި-ކޮރަޕްޝަން ކޮމިޝަނަށް އައްޔަންކުރުމަށް ރައީސުލްޖުމްހޫރިއްޔާ ފޮނުއްވެވި 5 މެމްބަރުންނަށް ރައްޔިތުންގެ މަޖިލީހުން ރުހުންދީފިއެވެ.
ރައްޔިތުންގެ މަޖިލީހުގެ މިނިވަން މުއައްސަސާތަކާއި ބެހޭ ކޮމެޓީން ވަނީ ރައީސުލްޖުމްހޫރިއްޔާ ނަން ފޮނުއްވި ބޭފުޅުންނާއި އިންޓަރވިއުކޮށް، އެ ބޭފުޅުންގެ ޝަރުތު ހަމަވާކަމަށް ނިންމައި ތަޅުމަށް ފޮނުވުމަށް ކޮމިޓީން ފާސްކޮށްފައެވެ. ކޮމިޓީ ރިޕޯޓް ތަޅުމަށް ހުށައަޅުއްވަމުން މިނިވަން މުއައްސަސާތަކުގެ ކޮމިޓީގެ މުގައްރިރު އައްޑޫ މީދޫ ދާއިރާގެ މެމްބަރު ރޮޒއިނާ އާދަމް ވިދާޅުވީ، ކޮމިޓީ އިންޓަރވިއުތައް ލައިވް ކުރުމަކީ، ފަހުން އިންޓަރވިއުއަށް ވަޑައިގަންނަވާ ބޭފުޅުންނަށް ބޭއިންސާފެއް ކަމަށެވެ. ސަބަބެއް ކަމުގައި ވިދާޅުވީ، ކޮމިޓީގައި ކުރާ ސުވާލާއި ޖަވާބު ފަހުން އިންޓަރވިއު ކުރާ ބޭފުޅުންނަށް އެނގުން ކަމުގައެވެ. މިކަމަށް ހައްލެއް ގެނައުމަށް މީގެ ދެ އަހަރު ކުރިންވެސް އާންމު ކޮމިޓީއަށް ސިޓީއެއް ފޮނުވާފައިވާނެ ކަމަށް ރޮޒައިނާ ވިދާޅުވިއެވެ. އެހެންކަމުން އިންޓަރވިއުގެ މަރުހަލާދަނީ އިންސާފުން ނޫން ކަމަށް ރޮޒައިނާ ވިދާޅުވިއެވެ.
އޭސީސީއަށް މެމްބަރުން އައްޔަން ކުރަން ނިންމީ، އޭސީސީގައި ތިއްބެވި ފަސް މެންބަރުން ޑިސެމްބަރު މަހު އިސްތިއުފާ ދެއްވުމުންނެވެ.
