ރާއްޖޭގައި 61 ވޮލީކޯޓު ތަރައްޤީކުރުމުގެ މަސައްކަތް މިހާރު ކުރިއަށްދާކަމަށް ކުޅިވަރާއި ބެހޭ ވަޒީރު އަހްމަދު މަހްލޫފް ވިދާޅުވެއްޖެއެވެ.
މިނިސްޓަރ ވިދާޅުވީ 50 އައުޓްޑޯ ވޮލީކޯޓާއި 10 އިންޑޯ ވޮލީކޯޓުގެ މަސައްކަތް މިހާރު ކުރަމުން އަންނަ ކަމަށެވެ. އަދި މާލެއަށް ބަރާސޯވެފައި އޮންނަ ކުޅިވަރު ކުޅުން، މުޅި ރާއްޖެއަށް ފަތުރާލުމުގެ މުހިންމުކަންވެސް މިނިސްޓަރ ފާހަގަކުރެއްވިއެވެ.
ވޮލީ ކޯޓުތަކުގެ އިތުރުންވެސް ކުޅިވަރު ކުޅޭ އެކި ކޯޓުތަކާއި ދަނޑުތައް ތަރައްޤީކުރުމުގެ މަސައްކަތް ޔޫތު މިނިސްޓްރީން އަންނަނީ ކުރަމުންނެވެ. އެގޮތުން ށ.ފީވަކާއި، އއ.ހިމަންދޫއާއި، އއ.ތޮއްޑޫގެ އިތުރުން އއ.ބޮޑުފޮޅުދޫގެ ފުޓްބޯޅަ ދަނޑުގެ ޓާފް ސަޕްލައިކޮށް އިންސްޓޯލް ކުރުމުގެ މަސައްކަތް އަމިން ކޮންސްޓްރަކްޝަން ޕްރައިވެޓް ލިމިޓެޑާ ވަނީ ހަވާލުކޮށްފައެވެ. ހަމައެހެންމެ މާލޭ ކުޅިވަރު އެކުވެނީގައި ތަރައްގީކޮށްފައިވާ ނެޓްބޯޅަ ކޯޓުގައި ލައިޓިން ސިސްޓަމް ގާއިމްކުރުމަށް އެސްބްރޯ މޯލްޑިވްސް ޕްރައިވެޓް ލިމިޓެޑާއެކު ވަނީ ސޮއިކޮށްފައެވެ.
މީގެ އިތުރުން މިނިސްޓަރ ވަނީ ހުކުރު ދުވަހު ފ. މާއުނގޫ ސްޕޯޓްސް އެކަޑެމީ ރަސްމީކޮށް އިފްތިތާހުކޮށްދެއްވާފައެވެ
