އަންހެން ޑިވިޝަންގެ ލީގު ޗެމްޕިއަން ކަން ސައިކްލޯން ހޯދައިފި
ސައިކްލޯން ޓީމުން މުބާރާތް ކާމިޔާބުކުރީ މެޗަކުން ބަލިނުވެ
ޗެމްޕިއަން ސައިކްލޯން ޓީމަށް އަށް ޓްރޮފީ ހަވާލުކުރަނީ
ޤައުމީ ބާސްކެޓްބޯޅަ ލީގުގެ އަންހެން ޑިވިޝަންގެ ޗެމްޕިއަންކަން ސައިކްލޯން ބާސްކެޓް ކްލަބް ހޯދައިފިއެވެ. ސައިކްލޯން ލީގު ޗެމްޕިއަންކަން ހޯދީ ލީގުގެ ފަހު މެޗަށްފަހު ރޭ ކުޅުނު ފައިނަލްގައި ބޮޑުތަފާތަކުން ކްއީންސް ބަލިކޮށްގެންނެވެ.
ފައިނަލް މެޗުގައި ކްއީންސްގެ މައްޗަށް ސައިކްލޯން ކުރިހޯދީ 89-47 ޕޮއިންޓުންނެވެ. މިމޮޅާއެކު ސައިކްލޯން މުބާރާތް ކާމިޔާބުކުރީ ސައްތައިން ސައްތަ ރެކޯޑަކާއެކު, މެޗަކުން ބަލިނުވެއެވެ. ސައިކްލޯން ބާސްކެޓް ކްލަބް އިން މުބާރާތް ކާމިޔާބުކުރުމުގައި އެންމެ މުހިއްމު ދައުރެއް އަދާކުރީ ފައިނަލް މެޗުގެވެސް މޮޅުކުޅުންތެރިޔާ އަދި މުބާރާތުގެ މޮޅުކުޅުންތެރިޔާ އަނާ ބޮރޮންޔަކްއެވެ. މުބާރާތުގެ އެންމެމޮޅު ފަސް ކުޅުންތެރިންނަކީ ސައިކްލޯންގެ ޝައިލާން, މަރިޔަމް ސޮފްވާ, ކްއީންސްގެ ޝިއުރާ, އެލީޓްގެ އިނާޝާ, އަދި ބެންޗުގެ އާމިނަތު އިސްރާއުއެވެ.
މުބާރާތުގެ ތިންވަނަ ހޯދީ ބެންޗެވެ. ހަތަރު ޓީމް ވާދަކުރި ލީގު މުބާރާތުގައި ދެން ބައިވެރިވެފައިވަނީ އެލީޓް ޓީމެވެ.
