އިތުރު 488 މީހުން ކޮވިޑް 19 އަށް ޕޮޒިޓިވްވެއްޖެ
މިހާތަނަށް ބަލިން ފަސޭހަވެފައިވަނީ 158،234 މީހުން
ސާމްޕަލް ނެގުމަށް އާރުއާރުޓީ ޓީމުން މަގުމަތީގައި ހަރަކާތްތެރިވަނީ
އިތުރު 488 މީހުން ކޮވިޑް-19 އަށް އަލަށް ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން އާންމުކޮށްފައިވާ ތަފާސްހިސާބުގައިވާގޮތުން، އާދީއްތަ ދުވަހުގެ 6 ގަޑި ސުންމިނެޓުން ހޯމަ ދުވަހުގެ 6 ގަޑި ސުން މިނެޓަށް 2،119 ސާމްޕަލެއް ވަނީ ޓެސްޓުކޮށްފައެވެ. މީގެ ތެރެއިން 469 ސާމްޕަލް ޓެސްޓުކޮށްފައިވަނީ މާލެ ސަރަހައްދުންނެވެ.
ޓެސްޓުކުރި ސާމްޕަލްތަކުގެ ތެރެއިން ޕޮޒިޓިވްވެފައިވަނީ 488 މީހުންނެވެ. މީގެ ތެރެއިން މާލެ ސަރަހައްދުން 41 މީހުން ޕޮޒިޓިވްވެފައިވާއިރު، އަތޮޅުތެރެއިން ޕޮޒިޓިވްވީ 417 މީހުންނެވެ. ހިންގަމުންދާ ރިސޯޓުތަކުން 21 މީހުން ވަނީ ޕޮޒިޓިވްވެފައެވެ. އަދި 09 މީހުން ޕޮޒިޓިވްވީ ކޮން ތަނަކުން ކަމެއް ދެނެގަނެވިފައެއް ނުވެއެވެ. އެންމެ ފަހުން ޕޮޒިޓިވްވި 488 މީހުންނާއެކު މިހާތަނަށް ރާއްޖެއިން ކޮވިޑަށް ޕޮޒިޓިވްވި މީހުންގެ ޖުމްލަ ވަނީ 173،064 އަށް އަރާފައެވެ.
މިވަގުތު އެކްޓިވް ކޭސް ގޮތުގައި 14،520 ކޭސް ދަނީ ގުނަމުންނެވެ. އަދި މިވަގުތު 8 މީހުންނަށް ފަރުވާ ދެމުން ގެންދަނީ ހޮސްޕިޓަލުތަކުގައި އެޑްމިޓުކޮށްގެންނެވެ. މިހާތަނަށް ބަލިން ފަސޭހަވެފައިވަނީ 158،234 މީހުންނެވެ. އަދި 297 މީހުން ވަނީ ބަލީގައި ނިޔާވެފައެވެ.
