އިތުރު 306 މީހުން ކޮވިޑް-19ށް ޕޮޒިޓިވްވެއްޖެ
އަތޮޅުތަކުން 245 މީހުން ޕޮޒިޓިވްވި
ކޮވިޑަށް ޓެސްޓުކުރުން
އިތުރު 306 މީހުން ކޮވިޑް-19ށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން އާންމުކޮށްފައިވާ ތަފާސްހިސާބުތަކަށް ބަލާއިރު, ފާއިތުވި 24 ގަޑިއިރުތެރޭގައި 1,853 ސާމްޕަލެއް ވަނީ ޓެސްޓްކޮށްފައެވެ. އޭގެތެރެއިން މާލެ ސަރަހައްދުން ޓެސްޓްކޮށްފައިވަނީ 403 ސާމްޕަލެވެ. މާލެ ސަރަހައްދުން ޕޮޒިޓިވްވެފައިވަނީ 27 މީހުންނެވެ. އަތޮޅުތަކުން 245 މީހުން ޕޮޒިޓިވްވިއިރު, ހިންގަމުންދާ ރިސޯޓްތަކުން 22 މީހުން ޕޮޒިޓިވްވެފައިވެއެވެ. 12 މީހުން ޕޮޒިޓިވްވެފައިވަނީ ކޮންތަނަކުން ކަމެއް ދެނެގަނެވިފައެއްނުވެއެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު ވަނީ 172،576ށް އަރާފައެވެ. 157،797 މީހުން ބަލިން ފަސޭހަވެފައިވެއެވެ. މިވަގުތު އެކްޓިވް ކޭހުގެ ގޮތުގައި ގުނަމުން އަންނަނީ 14،469 ކޭހެވެ. ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުން އަންނަނީ 8 މީހުންނަށެވެ. 297 މީހުން ވަނީ ބަލީގައި ނިޔާވެފައެވެ.
