އިތުރު 323 މީހުން ކޮވިޑް-19 އަށް ޕޮޒިޓިވްވެއްޖެ
ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުން އަންނަނީ 8 މީހުންނަށް
ކޮވިޑަށް ޓެސްޓު ކުރުމަށް ސާމްޕަލް ނަގަނީ
އިތުރު 323 މީހުން ކޮވިޑް-19 އަށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އާންމުކޮށްފައިވާ ތަފާސްހިސާބުތަކަށް ބަލާއިރު ފާއިތުވި 24 ގަޑިއިރު 2179 ސާމްޕަލެއް ވަނީ ޓެސްޓްކޮށްފައެވެ. އޭގެތެރެއިން މާލެ ސަރަހައްދުން ޓެސްޓްކޮށްފައިވަނީ 295 ސާމްޕަލެވެ. މާލެ ސަރަހައްދުން ޕޮޒިޓިވްވެފައިވަނީ 20 މީހުންނެވެ. އަތޮޅުތަކުން 269 މީހުން ޕޮޒިޓިވްވިއިރު ހިނގަމުންދާ ރިސޯޓްތަކުން 21 މީހުން ޕޮޒިޓިވްވެފައިވެއެވެ. 13 މީހަކު ޕޮޒިޓިވްވެފައިވަނީ ކޮންތަނަކުން ކަމެއް ދެނެގަނެވިފައެއްނުވެއެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު ވަނީ 172،270 އަށް އަރާފައެވެ. 157،389 މީހުން ބަލިން ފަސޭހަވެފައިވެއެވެ. މިވަގުތު އެކްޓިވް ކޭހުގެ ގޮތުގައި ގުނަމުން އަންނަނީ 14،571 ކޭހެވެ. ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުން އަންނަނީ 8 މީހުންނަށެވެ. 297 މީހަކު ވަނީ ބަލީގައި ނިޔާވެފައެވެ.
