މުޅި ރާއްޖެއިން އިތުރު 298 މީހުން ކޮވިޑް19 އަށް ޕޮޒިޓިވްވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)އިން އާންމުކޮށްފައިވާ މައުލޫމާތުގައި ވާގޮތުން, ފާއިތުވި 24 ގަޑިއިރުތެރޭގައި 2،101 ސާމްޕަލް ވަނީ ޓެސްޓުކޮށްފައެވެ. މީގެ ތެރެއިން 454 ސާމްޕަލް ޓެސްޓުކޮށްފައިވަނީ މާލެ ސަރަހައްދުންނެވެ.

ޓެސްޓުކުރި ސާމްޕަލްތަކުގެ ތެރެއިން ޕޮޒިޓިވްވެފައިވަނީ 289 މީހުންނެވެ. މީގެ ތެރެއިން މާލެ ސަރަހައްދުން 21 މީހުން ޕޮޒިޓިވްވެފައިވާއިރު، އަތޮޅުތެރެއިން ޕޮޒިޓިވްވީ 247 މީހުންނެވެ. ހިންގަމުންދާ ރިސޯޓުތަކުން 28 މީހުން ވަނީ ޕޮޒިޓިވްވެފައެވެ. އަދި 2 މީހުން ޕޮޒިޓިވްވީ ކޮން ތަނަކުން ކަމެއް ދެނެގަނެވިފައެއް ނުވެއެވެ. ފާއިތުވި 24 ގަޑިއިރު ޕޮޒިޓިވްވި 298 މީހުންނާއެކު މިހާތަނަށް ރާއްޖެއިން ކޮވިޑް19 އަށް ޕޮޒިޓިވްވި މީހުންގެ ޖުމްލަ ވަނީ 171،947އަށް އަރާފައެވެ.

މިވަގުތު އެކްޓިވް ކޭސްގެ ގޮތުގައި 14،766 ކޭސް ދަނީ ގުނަމުންނެވެ. މިވަގުތު ހޮސްޕިޓަލުތަކުގައި އެޑްމިޓުކޮށްގެން ފަރުވާ ދެމުން ގެންދަނީ 11 މީހުންނަށެވެ. މިހާތަނަށް ބަލިން ފަސޭހަވެފައިވަނީ 156،871 މީހުންނެވެ. އަދި 297 މީހުން ވަނީ ބަލީގައި ނިޔާވެފައެވެ.