ޕުޓިންއާ މަޝްވަރާ ކުރަން ބޭނުން: ޒެލެންސްކީ

ރަޝިޔާގެ ރައީސް ވްލަޑިމިއަރ ޕުޓިންއާ ބައްދަލުކުރައްވާ މަޝްވަރާކުރައްވަން ބޭނުންފުޅު ކަމަށް ޔޫކްރެއިންގެ ރައީސް ވޮލޮޑިމިއަރ ޒެލެންސްކީ ވިދާޅުވެއްޖެއެވެ.

ރަޝިޔާއިން ދަނީ ޔޫކްރެއިން އަރައި ހަނގުރާމަ ހިންގަމުންނެވެ. މީހުން ދިރިއުޅޭ އިމަރާތްތަކަށް ވެސް ހަމަލާތައް ދެމުންދާއިރު، ގިނަ އަދަދެއްގެ ރައްޔިތުން މަރުވެ، ގިނަ ބަޔަކު ޒަހަމްވެފައިވެއެވެ. މިގެ ތެރޭގައި ގިނަ އަދަދެއްގެ ކުޑަ ކުދިން ވެސް ހިމެނެއެވެ. މަސްރަހު ގޯސްވަމުންދާއިރު، ހުކުރު ދުވަހު މީޑިއާތަކަށް ދެއްވި އިންޓަވިޔުގައި ޔޫކްރެއިންގެ ރައީސް ޒެލެންސްކީ ވިދާޅުވީ ހަނގުރާމަ ހުއްޓާލާ އާމާން ގާއިމްކުރަން ބޭނުންފުލުވާ ކަމަށެވެ.

ޒެލެންސްކީ ވިދާޅުވީ ދެ ގައުމުގެ ދެމެދުގައި ޖެހިފައިވާ މައްސަލައާ މެދު ޕުޓިންއާ މަޝްވަރާކުރައްވަން ބޭނުންފުލުވާ ކަމަށާއި، އެއީ މުޅި ދުނިޔެއިން ވެސް ބޭނުންވާ ގޮތް ކަމަށެވެ. މި މަޝްވަރާތައް ނުކޮށް ހަނގުރާމަ ނުހުއްޓުވޭނެ ކަމަށް ޒެލެންސްކީ ވިދާޅުވިއެވެ.

ޒެލެންސްކީ ވިދާޅުވީ މި ހަނގުރާމައިގެ ސަބަބުން މުޅި ދުނިޔެ އޮތީ ބޮޑު ކަންބޮޑުވުމެއްގެ ތެރޭގައި ކަމަށާއި، މަސްރަހު ފިނި ކުރަންޖެހޭ ކަމަށެވެ. އަދި މިއީ ދެގައުމަށް ވެސް ލިބޭ ވަރަށް ބޮޑު ގެއްލުމެއްގެ ގޮތުގައި ޒެލެންސްކީ ސިފަކުރެއްވިއެވެ. މީގެ އިތުރުން ކީއެވްގެ ހުޅަނގު ސަރަހައްދަށް އިތުރު ސިފައިން ބޭނުންވާ ކަމަށާއި، އެހީތެރިކަން ފޯރުކޮށްދިނުމަށް ޒެލެންސްކީ ގޮވާލައްވާފައިވެއެވެ.

ސުލްހައިގެ މަޝްވަރާތަކަށް ޒެލެންސްކީ ގޮވާލެއްވި ނަމަވެސް މިހާތަނަށް މިކަމަށް ޕުޓިންގެ ފަރާތްޕުޅުންން އެއްވެސް ޖަވާބެއް ލިބިފައިނުވާ ކަމަށް ރިޕޯޓުތަކުން ބުނެއެވެ.

ރަޝިޔާއިން ބުނަމުން އަންނަނީ ޔޫކްރެއިންގައި ކުރިޔަށްގެންދަނީ އަސްކަރީ ޚާއްސަ އޮޕަރޭޝަނެއް ކަމަށެވެ. ޔޫކްރެއިން ހިފުމުގެ ވިސްނުމެއް ނުގެންގުޅޭކަމަށާއި ނަމަވެސް ދެކުނު ސަރަހައްދުގައި އޮތް އަސްކަރީ ބާރުތަކުގެ ބާރު ކަނޑުވާލާ، އެސަރަހައްދު ހިފުމަށްކަމަށް ރަޝިޔާއިން އަންނަނީ ބުނަމުންނެވެ. އަދި ނިކުކްލިއަރ ހަގުރާމައަކަށް ދިމުމަށް ގަސްތު ނުކުރާ ކަމަށްވެސް ރަޝިޔާގެ ޚަރިޖީ ވަޒީރު ސަރުގޭ ލަވަރޯވް އެންމެ ފަހުންވެސް ވިދާޅުވެފައި ވެއެވެ.