އިތުރު 1360 މީހުން ބޫސްޓަރ ޑޯޒް ޖަހައިފި
ފުރަތަމަ ޑޯޒް ޖެހި މީހުންގެ އަދަދު ވަނީ 398،243ށް އަރާފައި
ވެކްސިން ޖެހުމުގެ ގައުމީ ކެމްޕޭންގެ ތެރެއިން ޓްރީ ޓޮޕް ހޮސްޕިޓަލުގައި ވެކްސިން ދިނުމުގެ މަސައްކަތް ކުރިއަށްދަނީ
އިތުރު 1360 މީހުން ބޫސްޓަރ ޑޯޒް ޖަހައިފިއެވެ.
އެޗްޕީއޭން އާންމުކޮށްފައިވާ ތަފާސްހިސާބުތައް ދައްކާގޮތުން މާރޗް 2 ވީ ބުދަ ދުވަހު މާލެ ސަރަހައްދުން 348 މީހުން ބޫސްޓަރ ޑޯޒް ޖަހާފައިވާއިރު އަތޮޅުތަކުން 1012 މީހުން ވަނީ ބޫސްޓަރ ޑޯޒް ޖަހާފައެވެ. މިއާއެކު ބޫސްޓަރ ޑޯޒް ޖެހި މީހުންގެ އަދަދު ވަނީ 135،379ށް އަރާފައެވެ.
ބުދަ ދުވަހު ދެވަނަ ޑޯޒް ޖަހާފައިވަނީ 38 މީހުންނެވެ. އެއީ މާލެ ސަރަހައްދުން 22 މީހުންނާއި އަތޮޅުތަކުން 16 މީހުންނެވެ. މިއާއެކު ދެވަނަ ޑޯޒް ޖެހި މީހުންގެ އަދަދު ވަނީ 371،170ށް އަރާފައެވެ.
14 މީހުން ފުރަތަމަ ޑޯޒް ޖަހާފައިވެއެވެ. އެއީ މާލެ ސަރަހައްދުން 3 މީހުންނާއި އަތޮޅުތަކުން 11 މީހުންނެވެ. ފުރަތަމަ ޑޯޒް ޖެހި މީހުންގެ އަދަދު ވަނީ 398،243ށް އަރާފައެވެ.
