ލަންޑަނަށް ހަަމަލާ: 12 މީހުން ހައްޔަރުކޮށްފި

ހޮނިހިރު ދުވަހު އިނގިރޭސި ވިލާތުގެ ވެރިރަށް ލަންޑަނުގައި ދިން ޓެރަރިސްޓް ހަމަލާއާ ގުޅިގެން 12 މީހަކު ހައްުޔަރު ކޮށްފިއެވެ.

ލަންޑަން ބްރިޖުގައި ހިނގާފައި ދިޔަ މީހުންގެ ގައިގައި ވޭނެއް ޖައްސާ އަދި ފަހުން ތިން މީހަކު، ވޭނުން ފައިބައި މީހުންގެ ގަޔަށް ވަޅި ހެރި މިހާދިސާ ގައި، ހަތް މީހަކު މަރުވެ 48 މީހަކު ޒަޚަމްވިއެވެ. ހަމަލާ ދިން މީހުން ފުލުހުން ވަނީ ބަޑިޖަހައި މަރާލައިފަ އެވެ. ފުލުހުން އެމީހުން މަރާލުމުގެތެރޭގައި އެކްސިޑެންޓަކުން އާންމުންގެ މީހެއް ގަޔަށް ބަޑިޖެހުމުގެ ސަބަބުން އޭނާ ވެސް މަރުވިއެވެ.

ލަންޑަނުގައި މި ދިން ހަަމަލާއާ ގުޅިގެން ހައްުޔަރު ކުރެވުނު 12 މީހުންގެ ތެރޭގައި ހަތް އަންހެނުން ހިމެނެއެވެ. ހައްޔަރު ކުރެވުނު 55 އަހަރުގެ ފިރިހެނަކު ދައުވާއެއް ނުއުފުލާ ދޫކޮށްލާފައިވެއެވެ.

މިހަމަލާގެ ޒިންމާ އިސްލާމިކް ސްޓޭޓް (އައިއެސް) އިން އުފުލާފައިވާއިރު ފުލުހުން ބުނެފައި ވަނީ ހަމަލާ ދިން މީހުން ހުއްޓުވާފައި ވަނީ އެމީހުން ވަގުތުން ވަގުތަށް ހުއްޓުވަން ޖެހޭ ކަމަށް ބަލައިގެން ކަމަށެވެ. ފުލުހުން ބުނީ ހަމަލާ ދިން ތިން މީހުން ތިބީ ޖާނުންފިދާވާން "ސުއިސައިޑް ބެލްޓް" އަޅައިގެން ކަމަށް ބެލެވުނު ކަމަށެވެ. އަދި ފަހުން އެއީ ހަގީގަތެއް ނޫން ކަން އެނގުނު ކަމަށެވެ.

ހޮނިހިރު ދުވަހު ދިން ހަމަލާ އާއި ގުޅިގެން 36 މީހުންނަށް ހޮސްޕިޓަލުގައި ފަރުވާ ދެމުންދާ އިރު، 21 މީހަކު ތިބީ "ކްރިޓިިިިކަލް" ހާލަތެއްގައެެވެ.