އިތުރު 459 މީހުން ކޮވިޑް-19ށް ޕޮޒިޓިވްވެއްޖެ
2 މާރިޗު 2022 | ބުދަ 17:24މިވަގުތު އެކްޓިވް ކޭހުގެ ގޮތުގައި 14،831 ކޭސް ގުނަމުންދޭ
ކޮވިޑަށް ޓެސްޓުކުރުން
އިތުރު 459 މީހުން ކޮވިޑް-19ށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން އާންމުކޮށްފައިވާ ތަފާސްހިސާބުތަކަށް ބަލާއިރު ފާއިތުވި 24 ގަޑިއިރުތެރޭގައި ޓެސްޓްކޮށްފައިވަނީ 2503 ސާމްޕަލެވެ. އޭގެތެރެއިން މާލެ ސަރަހައްދުން ޓެސްޓްކޮށްފައިވަނީ 482 ސާމްޕަލެވެ. މާލެއިން ޕޮޒިޓިވްވެފައިވަނީ 41 މީހުންނެވެ. އަތޮޅުތަކުން 371 މީހުން ޕޮޒިޓިވްވެފައިވާއިރު ހިންގަމުންދާ ރިސޯޓްތަކުން 29 މީހުން ޕޮޒިޓިވްވެފައިވެއެވެ.
މިއާއެކު މުޅި ރާއްޖެއިން ކޮވިޑަށް ޕޮޒިޓިވްވި މީހުންގެ އަދަދު ވަނީ 171،114ށް އަރާފައެވެ. މީގެތެރެއިން ބަލިން ފަސޭހަވެފައިވަނީ 155،973 މީހުންނެވެ. މިވަގުތު އެކްޓިވް ކޭހުގެ ގޮތުގައި 14،831 ކޭސް ގުނަމުންދެއެވެ. މީގެތެރެއިން ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުން އަންނަނީ 10 މީހުންނަށެވެ.
ރާއްޖޭގައި މިބަލީގައި 297 މީހުން ނިޔާވެފައިވެއެވެ.
