ގަން އިންޓަރނޭޝަނަލް އެއަރޕޯޓުގައި ދިވެހި އުފެއްދުންތައް ވިއްކުމުގެ ފުރުސަތު ހުޅުވާލައިފި
މިއީ އައްޑޫގައި ހުޅުވާ މި ބްރޭންޑުގެ ފުރަތަމަ ފިހާރަ
ގަން އިންޓަރނޭޝަނަލް އެއަރޕޯޓް
ގަން އިންޓަެނޭޝަނަލް އެއަރޕޯޓުގައި ދިވެހި އުފެއްދުންތައް ވިއްކުމުގެ ފުރުސަތު ހުޅުވާލައިފިއެވެ.
އިކޮނޮމިކް މިނިސްޓްރީގެ ދަށުން ހިންގާ ބިޒްނަސް ސެންޓަރ ކޯޕަރޭޝަނުން ހުޅުވާލި މި ފުރުސަތުގެ ދަށުން ތަކެތި ވިއްކާނީ ގަން އިންޓަރނޭޝަނަލް އެއަރޕޯޓުގައި ހުޅުވާ އޮތެންޓިކް މޯލްޑިވްސް ފިހާރައިގައެވެ. މިއީ އައްޑޫގައި ހުޅުވާ މި ބްރޭންޑުގެ ފުރަތަމަ ފިހާރައެވެ.
ބީސީސީން އޮތެންޓިކް މޯލްޑިވްސް ހުޅުވީ ދިވެހި އަމިއްލަ އުފެއްދުންތައް މާކެޓުކޮށް ވިއްކުމުގެ ފުރުސަތު ހުޅުވާލުމަށެވެ. މި ފިހާރަ ހުޅުވަން ނިންމާފައިވަނީ ގަން އެއަރޕޯޓުގެ ޑިޕާޗަރ ޓަރމިނަލުގައެވެ.
އޮތެންޓިކް މޯލްޑިވްސްގެ ފިހާރާގައި ތަކެތި ވިއްކަން ބޭނުންވާ މީހުންނަށް އަންނަ މަހުގެ 10 ވަނަ ދުވަހާ ހަމައަށް އެކަމަށް އެދުމުގެ ފުރުސަތު ލިބޭނެއެވެ. އެޕްލިކޭޝަން ފޯމް އީމެއިލް މެދުވެރިކޮށް ހުށެހެޅޭނެ ކަމަށް ބިޒްނަސް ސެންޓަރ ކޯޕަރޭޝަނުން ބުނެއެވެ.
އޮތެންޓިކް މޯލްޑިވްސްގެ ފިހާރަތައް ވެލާނާ އިންޓަރނޭޝަނަލް އެއަރޕޯޓާއި މާލެ އަދި ހުޅުމާލޭގައިވެސް ވަނީ ހުޅުވާފައެވެ.
