ފްރެންޗުގެ ލަގްޒަރީ ބްރޭންޑެއް ކަމަށްވާ ބަލްމެއިން ޕެރިސްގެ އިސްތަށިގަނޑަށް ހާއްސަ ޕްރޮޑެކްޓްތަކާއި ޕްރޮވޮކްގެ މޭކަޕް ސާމާނު ރާއްޖޭގެ ބާޒާރަށް ނެރެފިއެވެ.

މި ދެ ބްރޭންޑުގެ ޕްރޮޑަކްޓް ރާއްޖޭގެ ބާޒާރަށް ނެރެފައިވަނީ ވީ ލަކްސް އިންވެސްޓްމަންޓް ޕްރައިވެޓް ލިމިޓެޑުންނެވެ. ވީ ލަކްސް އިން ބުނީ މިއީ ދުނިޔޭގައި އެންމެ ހިނގާ އެއް ލަގްޒަރީ ބްރޭންޑް ކަމަށާއި، ރާއްޖެގެ މާކެޓަށް ޕްރޮޑަކްޓްތައް ނެރެފައިވަނީ ރަނގަޅު އަގެއްގައި ކަމަށެވެ. އަދި މިއީ ލަގްޒަރީ ބްރޭންޑަކަށްވި ނަމަވެސް ވީ ލަކްސް އަކީ ރާއްޖޭގެ ޑިސްޓްރިބިއުޓަރަށްވުމުން މި ތަކެތި ކަސްޓަމަރުންނާއި ހަމައަށް ރަނގަޅު އަގެއްގައި ލިބެން ހުންނާނެ ކަމަށެވެ.

ބަލްމެއިން ޕެރިސް އަކީ އިސްތަށިގަނޑަށް ހާއްސަ ޕްރޮޑަކްޓްތަކެކެވެ. ވީ ލަކްސް އިން ބުނީ ބަލްމަން ޕްރޮޑަކްތްތަކުގެ އެންމެ ހާއްސަ ކަމަކީ މިއީ ރާއްޖޭގެ މާހައުލާއި ގުޅޭ، އިސްތަށިގަނޑަށް ފައިދާ ހުރި އަދި ރަނގަޅު ފެންވަރެއްގެ ޕްރޮޑަކްތަކަށް ވެގެން ދިއުން ކަމަށެވެ. މީގެ އިތުރުން މި ޕްރޮޑަކްޓްތަކުގައި ހުންނަ ވަހަކީ ވަރަށް ހިތްގައިމު ވަހެއް ކަމަށެވެ. މީގެ 45 އަހަރު ކުރިން އުފައްދަން ފެށި ބަލްމެއިންގެ އިސްތައްޓަށް ހާއްސަ މި އުފެއްދުންތަކަކީ ބައިނަލް އަގުވާމީގޮތުން ބަލައިގަނެފައިވާ މަޝްހޫރު ބްރޭންޑެކެވެ.

މީގެ އިތުރުން ޕްރޮވޮކްގެ މޭކަޕް ސާމާނުތަކަކީ ރާއްޖޭގެ މާހައުލާއި ގުޅޭ މޭކަޕްތަކެއް ކަމަށެވެ. އަދި އެކި ބާވަތްތަކުގެ ތަފާތު އައިޓަމްތައް ލިބެން ހުންނާނެ ކަމަށް ވީ ލަކްސް އިން ބުނެއެވެ. ވީ ލަކްސް އިން ބުނީ ރާއްޖެއަކީ ހޫނު ގަދަ ތަނެއް ކަމުން ބައެއް ފަހަރު ބޭނުން ކުރާ މޭކަޕްގެ ސަބަބުން އެކިކަހަލަ މައްސަލަ ދިމާވާ ކަމަށެވެ. ނަމަވެސް ޕްރޮވޮކް އަކީ ރާއްޖެ ކަހަލަ ހިއުމިޑިޓީ ގަދަ ގައުމުތަކުގައި ވެސް އެއްވެސް ކަހަލަ މައްސަލައެއް ދިމާ ނުވެ ބޭނުން ކުރެވޭނެ ޕްރޮޑަކްތަކެއް ކަމަށެވެ.

ބަލްމެއިން އަދި ޕްރޮވޮކްގެ ޕްރޮޑަކްޓައް ހާއްސަ ފިހާރައެއް ހުޅުވާފައިވާ އިރު، މި ފިހާރަ ހުންނާނީ ފަރީދީ މަގު ކެނެރީމަގު ކަންމަތީގައި ކަމަށް ވީ ލަކްސް އިން ބުނެއެވެ. އަދި ޕްރޮޑަކްޓްތަކުގެ މައުލޫމާތުއިންސްޓަގްރާމުންލިބެން ހުންނާނެ ކަމަށް ވެސް ބުނެއެވެ.