އެލައިޑްގެ ލައިފް އިންޝިއުރެންސް ފުރަތަމަ ނެގި މީހާއަށް ފައިސާ ދީފި

ކޭޝްބެކް 12- ރަންރޭރުގެ ނަމުގައި 2014 ވަނަ އަހަރު ތައާރަފްކުރެވުނު، ލައިފު އިންޝިއުރެންސް ޕޮލިސީ ގެނި އެންމެ ފުރަތަމަ ކަސްޓަމަރަށް ސަވައިވަލް ބެނިފިޓްގެ ގޮތުގައި ލިބޭ ފައިސާ އެލައިންޑުން ހަވާލުކޮށްފި އެވެ.

ސަވައިވަލް ބެނިފިޓް ލިބިފައިވަނީ، ކ.ކާށިދޫ، ރާއިދު މުހައްމަދަށެވެ. މި ބެނިފިޓް އެލައިޑުގެ ފަރާތުން ހަވާކުކޮށްފައިވަނީ އެލައިޑް އިންޝިއުރެންސްގެ ލައިފް އިންޝިއުރެންސް މެނޭޖަރ ސްރިނިވާސަން ރާމަކްރިޝްނަން އެވެ.

އެލައިޑް އިންޝިއުރެންސްގެ ރަންރޭރު ޕޮލިސީ އަކީ ފައިސާ ދައްކައިގެން، ފަހަށް ފައިސާ ރައްކާކުރުމަށް އެހީވެދިނުމަށް އާއިލާތަކަށް މާލީ އެހީތެރިކަން ފޯރުކޮށްދިނުމަށް އެކުލަވާލާފައިވާ އިންޝިއުރެންސް ޕްލޭނެކެވެ. މި ޕްލޭން 12 އަހަރުގެ މުއްދަތައް ކުރިއަށްގެންދެވޭ އިރު އިންޝުއަރ ކުރެވޭ އަދަދުގެ ގޮތުގައި 50 ހާސް ރުފިޔާ އަށް ވުރެ މަތީ ކޮންމެ އަދަދެއްވެސް ނެގޭނެ ކަމަށް އެލައިންޑް އިންޝިއުރެންސް އިން ބުނެ އެވެ.

މީގެ އިތުރުން މި ޕްލޭނުގެ ދަށުން އިންޝުއަރ ކުރެވުނު އަދަދުގެ 25 އިންސައްތަ ކޮންމެ ތިން އަހަރުން އެއް އަހަރަކު ޕްލޭން ނަގާ ފަރާތައް ލިބިގެންދާނެ އެވެ. އަދި ޕްލޭންގެ އެންމެ ފަހު އަހަރު 25 އިންސައްތަ އާއި ބާރަ އަހަރަށްވާ ބޯނަސް ލިބިގެންދާނެ ކަމަށް އެލައިޑުން ބުނެ އެވެ.

މީގެ އިތުރުން ސަވައިވަލް ބެނިފިޓްގެ ގޮތުގައި ކުރިން ދެވިފައިވާ އެއްވެސް ފައިސާއެއް އުނިވެގެން ނުދާނެ ކަމަށްވެސް އެލައިޑުން ބުނެ އެވެ.

ސަވައިވަލް ބެނިފިޓް ހަވާލުކުރި ރަސްމިއްޔާތުގައި ވާހަކަދައްކަވަމުން ލައިފް އިންޝިއުރެންސް މެނޭޖަރ ސްރިނިވާސަން ވިދާޅުވީ، މި އިންޝިއުރެންސް ޕްލޭނަކީ އާއިލާތަކަށް ރައްކާތެރިކަން ލިބޭނެ، ދިމާވާ ބޮޑެތި ކަންކަމަށް ފައިސާ ރައްކާކުރުމަށްވެސް އެހީވެދޭ މުހިއްމު ޕޮލިސީ އެއް ކަމަށެވެ. އަދި މި އިންޝިއުރެންސްގެ ބޭނުން ފުރިހަމައަށް އަދާކުރުމަށް ސްރިނިވާސަން ވަނީ ހުރިހާ ފަރާތްތަކަށް އެދިލައްވާފަ އެވެ.