ހާލަންޑް ފިޓެއް ނޫން: ރޯސް

ބޮރޫޝިއާ ޑޯޓުމުންޑަށް ކުޅެމުން އަންނަ ޒުވާން ތަރި އާލިއަން ބްރައުންޓް ހާލަންޑް އަދިވެސް މުޅިން ފިޓުނުވާ ކަމަށް ޑޯޓުމުންޑްގެ ކޯޗު މާކޯ ރޯސް ބުނެފިއެވެ.

އަމިއްލަ ދަނޑުގައި ރޭންޖާސް އަތުން ޔޫރަޕާ ލީގުގައި 4-2 ގެ ނަތީޖާއަކުން ޑޯޓުމުންޑް ބަލިވެފައި އޮތުމުން ކޯޗު ރޯސްއަށް ވަނީ ޕްރެޝަރު ބޮޑުވެފައެވެ.

އެކަމަކު މި މެޗަށްވެސް ރޯސްއަށް ހާލަންޑްގެ ބޭނުމެއް ނުހިފޭނެކަމަށް އޭނާ ވަނީ ބުނެފައެވެ.

އަނިޔާގެ ސަބަބުން، މިދިޔަ މަހުގެ 22 ވަނަ ދުވަހުން ފެށިގެން ހާލަންޑް ހުރީ ކުޅުމާ ދުރުގައެވެ. ރޯސް ބުނީ ހާލަންޑް ޓްރެއިނިންގައި ބައިވެރިވިޔަސް، އޭނާ އަދި މުޅިން ފިޓުނުވާ ކަމަށެވެ. އަދި ހާލަންޑް މުޅިން ފިޓުވާން އަދިވެސް ދުވަސް ނަގާނެ ކަމަށް ރޯސް ބުންޏެވެ.

ޖަރުމަން ލީގުގައި ޑޯޓްމަންޑް އޮތީ ތާވަލްގެ އެއް ވަނައިގައި އޮތް ބަޔާން މިއުނިކަށް ވުރެ ހަ ޕޮއިންޓް ފަހަތުގަ އެވެ. ޖަރުމަން ކަޕުން ވެސް ޑޯޓްމަންޑް ވަނީ ކަޓައިފައެވެ. އެހެންކަމުން، ޔޫރޮަޕާ ލީގަކީ ތައްޓަކަށް ވާދަކުރުމަށް އެ ޓީމަށް އޮތް ރަނގަޅު ފުރުސަތެކެވެ.

މިދިޔަ އަހަރުގެ ފިނި މޫސުމުގެ ޓްރާންސްފާ މާކެޓުގައި ސަލްޒްބާގް ދޫކޮށް ހާލަންޑް ޑޯޓުމުންޑަށް ބަދަލުވީ 22 މިލިއަން ޑޮލަރުގެ ފީ އަކަށެވެ. މި ސީޒަން ފެއްޓުމުގެ ކުރިން ހާލަންޑް ގަންނަން ޓީމުތަކުން ކުރި މަސައްކަތް ހުއްޓުމަކަށް އައީ ހާލަންޑް ވިއްކުމަށް ޑޯޓުމުންޑުން ކީ އަގު ބޮޑުވުމުންނެވެ. ޑޯޓުމުންޑުން އޭރު ހާލަންޑް ވިއްކުމަށް ކީ 150 މިލިއަން ޑޮލަރުގެ އަގެކެވެ.

ހާލަންޑު ވަނީ ޑޯޓުމުންޑަށް ކުޅެދިން 75 މެޗުން 76 ލަނޑު އެޓީމަށް ކާމިޔާބުކޮށްދީފައެވެ.