އެންމެ ފަހުންބެލި 24 ގަޑިއިރު ތެރޭ ކޮވިޑް-19 އަށް ޕޮޒިޓިވްވީ 607 މީހުން
18 ފެބުރުއަރީ 2022 | ހުކުރު 17:55މިވަގުތު ހޮސްޕިޓަލްގައި އެޑްމިޓްކޮށްގެން ފަރުވާ ހޯދަމުންދަނީ، 28 މީހުން
ކޮވިޑަށް 19 އަށް ޕޮޒިޓިވްވާ މީހުންގެ އަދަދު މިހާރުވަނީ ދަށަށްދާން ފަށާފައި
ރާއްޖެއިން އިތުރު 607 މީހުން ކޮވިޑް-19 އަށް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އޭޖެންސީ އެޗް.ޕީ.އޭއިން ޢާއްމުކޮށްފައިވާ ތަފާސްހިސާބު ދައްކާގޮތުން ރާއްޖެއިން މި ބަލިޖެހުނު މީހުންގެ އަދަދު މިހާރު ވަނީ 163,581 އަށް އަރާފައެވެ.
މިވަގުތު ބަލި ޖެހިގެން ފަރުވާ ހޯދަމުން އަންނަނީ 15،368 މީހުންނެވެ. ހޮސްޕިޓަލްގައި އެޑްމިޓްކޮށްގެން ފަރުވާ ހޯދަމުންދަނީ 28 މީހުންނެވެ.
އެންމެ ފަހުން ބެލި 24 ގަޑިއިރުގެ ތެރޭގައި 743 މީހުން ވަނީ ބަލިން ރަނގަޅުވެފައެވެ. އެއާއެކު ޖުމުލަ 147،910 މީހުން މިހާރުވަނީ ބަލިން ރަނގަޅުވެފައެވެ. އެންމެ ފަހުން ތަފާސް ހިސާބުނެގި 24 ގަދިއިރުގެތެރޭގައި 2،823 ސާމްޕަލް ވަނީ ޓެސްޓުކޮށްފައެވެ. މީގެތެރޭން ޕޮޒިޓިވް ވެފައިވަނީ 607 މީހުންނެވެ. ރާއްޖެއިން މި ބަލީގައި މިހާތަނަށް 290 މީހުން ވަނީ ނިޔާވެފައެވެ.
