އެމްޑީޕީގެ ޗެއަރޕާސަންގެ މަގާމަށް ފައްޔާޒު ފޯމް ހުށަހަޅުއްވައިފި

އެމްޑީޕީގެ ޗެއަރޕާސަން ކަމުގެ މަގާމަށް ވާދަކުރެއްވުމަށް އިކޮނޮމިކް މިނިސްޓަރ ފައްޔާޒު އިސްމާއީލް ފޯމު ހުށަހަޅުއްވައިފިއެވެ.

6000 މީހުންގެ ސޮޔާއެކު ފައްޔާޒު ފޯމު ހުށަހެޅުއްވިއިރު އެމަގާމަށް ދެން ވާދައްކުރައްވާ ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ ވަނީ ބުދަ ދުވަހު ފޯމު ހުށަހަޅުއްވާފައެވެ. މިއިންތިޚާބަކީ ވާދަވެރި އިންތިޚާބަކަށް ވާނެކަމަށް ބެލެވެއެވެ.

އެމްޑީޕީގެ އިންތިހާބުތަކަށް ކުރިމަތިލުމުގެ ސުންގަޑިއަކީ ފެބްރުއަރީ 19، ގެ 16:00 ގަ އެވެ. ކުރިމަތިލި ކެންޑިޑޭޓުންގެ ނަންތައް ފެބްރުއަރީ 22 ގައި އެ ޕާޓީން އިއުލާން ކުރާނެ އެވެ. އެމްޑީޕީގެ ޗެއާޕާރސަން ކަމާއި އެ ޕާޓީގެ އަންހެނުންގެ ރޫހާއި ޒުވާނުންގެ ހިތްވަރުގެ އިންތިހާބަށް ކުރިމަތިލުމަށް ހުޅުވާލައިފައި ވަނީ މިހިނގާ ފެބްރުއަރީ 12 ގައެވެ.

އެމްޑީޕީގެ ޗެއަރޕާސަން ކަމުގެ އިންތިހާބު ބޭއްވުމަށް ހަމަޖެހިފައި ވަނީ އެޕްރީލް 16 ވަނަ ދުވަހުއެވެ.