ކޮވިޑް ބަލީގައި މަރުވި މީހުންގެ އަދަދު 288 އަށް އަރައިފި
12 ފެބުރުއަރީ 2022 | ހޮނިހިރު 17:54ކޮވިޑްބަލީގައި މަރުވި މީހުންގެ އަދަދު 288 އަށް
ތޯހިރާ އަޒްހާރް | 12 ފެބުރުއަރީ 2022 | ހޮނިހިރު 17:54
ކޮވިޑް ބަލީގައި މަރުވި މީހެއްގެ ޖަނާޒާގެ ކަންކަން ކުރިއަށްގެންދަނީ
ކޮވިޑް-19 ބަލީގައި ރާއްޖެއިން އިތުރު މީހަކު މަރުވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ ހުޅުމާލޭ މެޑިކަލް ފެސިލިޓީގައި އެޑްމިޓުކޮށްގެން ފަރުވާ ދެމުންދިޔަ މީހަކު ހޮނިހިރު ދުވަހުގެ މެންދުރު 02:14 ގައި ނިޔާވެފައިވާކަމަށެވެ. އެއީ 72 އަހަރުގެ ދިވެހި ފިރިހެނެއް ކަމަށް އެޗްޕީއޭއިން ބުނެފައިވެއެވެ.
މިއީ ކޮވިޑް-19 ބަލީގައި ރާއްޖެއިން ނިޔާވި 288 ވަނަ މީހާއެވެ.
މިމަހުގެ 10 ވަނަ ދުވަހުވެސް ރާއްޖެއިން ވަނީ ކޮވިޑް ބަލީގައި މީހަކު ނިޔާވެފައެވެ. އެއީ ޏ. އަތޮޅު ހޮސްޕިޓަލުގައި އެޑްމިޓުކޮށްގެން ކޮވިދަށް ފަރުވާ ދެމުންދިޔަ މީހެކެވެ.
