ކޮވިޑް-19ށް ފަރުވާ ހޯދަމުންދިޔަ އިތުރު މީހަކު ނިޔާވެއްޖެ
އެމީހާ ނިޔާވެފައިވަނީ ބުރާސްފަތި ދުވަހުގެ ހެނދުނު 11:42ހާއިރު
އަމްނާ އިމާދު | 10 ފެބުރުއަރީ 2022 | ބުރާސްފަތި 13:20
ކޮވިޑުގައި ނިޔާވާ މީހުން ވަޅުމަށް ޚާއްސަކުރެވިފައިވާ ހުޅުމާލެ ސަހަރާ
ކޮވިޑް-19ށް ފަރުވާ ހޯދަމުންދިޔަ އިތުރު މީހަކު ނިޔާވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނީ ޏ. އަތޮޅު ހޮސްޕިޓަލްގައި ފަރުވާ ހޯދަމުން ދިޔަ 80 އަހަރުގެ ފިރިހެނެއް ނިޔާވެފައިވާ ކަމަށާއި, އެމީހާ ނިޔާވެފައިވަނީ ބުރާސްފަތި ދުވަހުގެ ހެނދުނު 11:42ހާއިރު ކަމަށެވެ.
މިއީ ރާއްޖެއިން މި ބަލީގައި ނިޔާވި 287 ވަނަ މީހާއެވެ.
ރާއްޖޭގެ ކޮވިޑް-19ގެ ހާލަތަށް ބަލާއިރު، މިހާތަނަށް 154،511 މީހުން ޕޮޒިޓިވްވެފައިވެއެވެ. އަދި 138،117 މީހުން ބަލިން ރަނގަޅުވެފައިވެއެވެ. އެކްޓިވް ކޭހުގެ އަދަދަކީ 16،095އެވެ.
