ކޮވިޑު ބަލީގައި 67 އަހަރުގެ ދިވެހި އަންހެނަކު ނިޔާވެއްޖެ
7 ފެބުރުއަރީ 2022 | ހޯމަ 05:52ރާއްޖެއިން ކޮވިޑު ބަލީގައި ނިޔާވި މީހުންގެ އަދަދު ވަނީ 284ށް އަރާފައި
އޭނާ ނިޔާވިއިރު ފަރުވާ ހޯދަމުން ގެންދިޔައީ ހުޅުމާލޭ މެޑިކަލް ފެސިލިޓީގައި
ރާއްޖެއިން ކޮވިޑް ބަލީގައި އިތުރު މީހަކު ނިޔާވެއްޖެއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ، ނިޔާވެފައިވަނީ 67 އަހަރުގެ ދިވެހި އަންހެނެއް ކަމަށެވެ. އޭނާ ނިޔާވިއިރު ގެންދިޔައީ ހުޅުމާލޭ މެޑިކަލް ފެސިލިޓީން ފަރުވާ ހޯދަމުންނެވެ.
އެޗްޕީއޭއިން މައުލޫމާތު ދޭ ގޮތުގައި އޭނާ ނިޔާވެފައިވަނީ އާދިއްތަ ދުވަހުގެރޭ 08:50 ހާއިރުއެވެ.
މިމަރާއެކު މިހާތަނަށް ރާއްޖެއިން ކޮވިޑު ބަލީގައި ނިޔާވި މީހުންގެ އަދަދު ވަނީ 284ށް އަރާފައެވެ.
އާދިއްތަ ދުވަހު ކޮވިޑް-19ށް ފަރުވާ ހޯދަމުން ދިޔަ އިތުރު 2 މީހަކު ނިޔާވެފައިވެއެވެ. އެއީ އާދިއްތަ ދުވަހުގެ މެންދުރުފަހު 1:42 ހާއިރު ނިޔާވި އުމުރުން 75 އަހަރުގެ ދިވެހި އަންހެނަކާއި، އާދިއްތަ ދުވަހުގެ ހަވީރު 3:40 ގައި ނިޔާވި 21 އަހަރުގެ ދިވެހި ފިރިހެނެކެވެ.
