ވެކްސިން ބޫސްޓަރ ޑޯޒް ޖެހި މީހުންގެ އަދަދު 87،676ށް
ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 397،761ށް އަރާފައި
ވެކްސިން ޖެހުމުގެ ގައުމީ ކެމްޕޭންގެ ތެރެއިން ޓްރީ ޓޮޕް ހޮސްޕިޓަލުގައި ވެކްސިން ދިނުމުގެ މަސައްކަތް ކުރިއަށް ދަނީ
ކޮވިޑް-19 ބޫސްޓަރ ޑޯޒް ޖެހި މީހުންގެ އަދަދު 87،676ށް އަރައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން އެންމެފަހުން އާންމުކޮށްފައިވާ ތަފާސްހިސާބުތަކަށް ބަލާލާއިރު މިމަހުގެ 5 ވަނަ ދުވަހު 5،585 މީހުން ވަނީ ބޫސްޓަރ ޑޯޒް ޖަހާފައެވެ. އެއީ މާލެ ސަރަހައްދުން 1046 މީހުންނާއި އަތޮޅުތަކުން 4539 މީހުންނެވެ.
5 ވަނަ ދުވަހު ފުރަތަމަ ޑޯޒް ޖަހާފައިވަނީ 21 މީހުންނެވެ. އެއީ މާލެ ސަރަހައްދުން 8 މީހުންނާއި އަތޮޅުތަކުން 13 މީހުންނެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 397،761ށް އަރާފައެވެ.
35 މީހުން ދެވަނަ ޑޯޒް ޖަހާފައިވެއެވެ. އެއީ މާލެ ސަރަހައްދުން 12 މީހުންނާއި އަތޮޅުތަކުން 23 މީހުންނެވެ. މިއާއެކު ދެ ޑޯޒް ޖެހި މީހުންގެ އަދަދު ވަނީ 370،087ށް އަރާފައެވެ.
ޖެނުއަރީ މަހުގެ 15 ވަނަ ދުވަހުން ފެށިގެން ރާއްޖޭގައި އަންނަނީ ބޫސްޓަރ ޑޯޒް ޖަހަމުންނެވެ.
