ޓެސްޓްކުރި 5469 ސާމްޕަލްގެ ތެރެއިން 1955 ސާމްޕަލް ޕޮޒިޓިވް
މާލެ ސަރަހައްދުގެ ސާމްޕަލް ޕޮޒިޓިވް ރޭޓަކީ 27 އިންސައްތަ
ކޮވިޑަށް ޓެސްޓުކުރަނީ
ފާއިތުވި 24 ގަޑިއިރުތެރޭގައި ޓެސްޓްކުރި 5469 ސާމްޕަލްގެ ތެރެއިން 1955 ސާމްޕަލް ޕޮޒިޓިވްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އާންމުކޮށްފައިވާ ތަފާސްހިސާބުތަކަށް ބަލާލާއިރު ޕޮޒިޓިވްވި މީހުންގެ ތެރެއިން މާލެ ސަރަހައްދުން ޕޮޒިޓިވްވީ 599 މީހުންނެވެ. މާލެ ސަރަހައްދުން ޓެސްޓްކޮށްފައިވަނީ 2244 ސާމްޕަލެވެ. މާލެ ސަރަހައްދުގެ ސާމްޕަލް ޕޮޒިޓިވް ރޭޓަކީ 27 އިންސައްތައެވެ. އަތޮޅުތަކުން 875 މީހުން ޕޮޒިޓިވްވިއިރު ހިނގަމުންދާ ރިސޯޓްތަކުން 78 މީހުން ޕޮޒިޓިވްވިއެވެ. 403 މީހުން ޕޮޒިޓިވްވީ ކޮންތަނަކުންކަމެއް ދެނެގަނެވިފައެއްނުވެއެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވީ މީހުންގެ ޖުމްލަ އަދަދު ވަނީ 146،991 އަށް އަރާފައެވެ. މީގެތެރެއިން 128،963 މީހުން ބަލިން ރަނގަޅުވެފައިވާއިރު އެކްޓިވް ކޭހުގެ އަދަދަކީ 17،735 އެވެ. 56 މީހަކަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ. 280 މީހަކު ވަނީ މިބަލީގައި ރާއްޖޭގައި ނިޔާވެފައެވެ.
ދުވަސްތަކަކަށްފަހު ރާއްޖޭގައި ޕޮޒިޓިވްވާ މީހުންގެ އަދަދު ވަނީ 2000 އިން ތިރިވެފައެވެ. އޮމިކްރޯން ވޭރިއަންޓާއެކު ރާއްޖޭގައި ކޮވިޑްޖެހޭ މީހުންގެ އަދަދު ވަނީ އިތުރުވެފައެވެ.
