ބިދޭސީ އަންހެނަކަށް އޭނާގެ ފިރިމީހާ ގެވެށި އަނިޔާކުރި މައްސަލައެއް
2 ފެބުރުއަރީ 2022 | ބުދަ 06:12އެކަމާއި ގުޅިގެން ފުލުހުން ބަލަންޖެހޭ ކަންކަން އިތުރަށް ބަލަމުންދާ ކަމަށް ފުލުހުން ބުނޭ
މިޙާދިސާގެ ރިޕޯޓު ފުލުހުންނަށް ލިބިފައިވަނީ ބުދަ ދުވަހުގެ ހެނދުނު 06:20 ހާއިރު
މާލޭ ގެއެއްގައި ބިދޭސީ އަންހެނަކަށް އޭނާގެ ފިރިމީހާ ގެވެށި އަނިޔާކުރި މައްސަލައެއް ފެންމަތިވެއްޖެއެވެ.
މިކަމާ ގުޅޭ ގޮތުން ފުލުހުންގެ މީޑިއާ އޮފިޝަލު ވިދާޅުވީ، މި ޙާދިސާގެ ރިޕޯޓު ފުލުހުންނަށް ލިބިފައިވަނީ ބުދަ ދުވަހުގެ ހެނދުނު 06:20 ހާއިރު ކަމަށެވެ. އަނިޔާ ލިބުނު އަންހެން މީހާ އައިޖީއެމްއެޗް އަށް ގެންގޮސް ފަރުވާދެމުންދާކަމަށް ފުލުހުން މައުލޫމާތު ދެއެވެ.
މިހާދިސާ އާއި ގުޅިގެން ފުލުހުން ބަލަންޖެހޭ ކަންކަން އިތުރަށް ބަލަމުންދާ ކަމަށް ފުލުުހުންގެ މީޑިއާ އޮފިޝަލް ވިދާޅުވިއެވެ. އަދި އެކަމާ ގުޅޭ އިތުރު ތަފްސީލެއް ހާމައެއް ނުކުރައްވައެވެ.
މި ޙާދިސާއާއި ގުޅޭ ވީޑިއޯއެއް މިހާރު ސޯޝަލް މީޑިއާގައި ދަނީ ދައުރުވަމުންނެވެ. ވީޑިއޯއިން ފެންނަނީ ގެއެއްގެ ސިޑިމަތިން ފުލުހުންގެ އެހީތެރިކަމާއެކު އެ އަންހެން މީހާ ފައިބައިގެންދާ މަންޒަރެވެ. އޭނާ ލައިގެން ހުރި ހެދުމުގެ ފަސްބައިގައި ގިނަ އަދަދެއްގެ ލޭ ހުއްޓެވެ.
ބެލެވޭ ގޮތުގައި އެ އަންހެން މީހާއަށް ޙަމަލާ ދީފައިވަނީ ތޫނު އެއްޗެއް ބޭނުންކޮށްގެންނެވެ.
