މޮޑާނާއިން އޮމިކްރޯން އަށް ޚާއްސަކޮށްގެން އުފައްދާ ވެކްސިންގެ ޓްރެއަލްތައް ފަށައިފި
މޮޑާނާއިން ބުނީ އޮމިކްރޯން އަށް ޚާއްސަކޮށްގެން އުފައްދާ ޑޯޒް ޓެސްޓްކުރާނީ އުމުރުން 18 އަހަރުން މަތީގެ މީހުންނަށް ކަމަށް
މޮޑާނާއިން އަންނަނީ އޮމިކްރޯންއަށް ޚާއްސަކޮށްގެން ވެކްސިން އުފައްދަމުން
މޮޑާނާއިން އޮމިކްރޯން ވޭރިއަންޓަށް ޚާއްސަކޮށްގެން އުފައްދާ ވެކްސިންގެ ޓްރެއަލް ޓެސްޓްތަކުގެ މެދު ސްޓޭޖް ފަށާފައިވާކަމަށް އެކުންފުނިން ބުނެފިއެވެ.
މޮޑާނާއިން ޓްރެއަލް ޓެސްޓްތައް ފަށާފައިވާކަން ހާމަކޮށްފައި މިވަނީ މީގެ އެއްދުވަސްކުރިން ފައިޒަރ އިންވެސް އޮމިކްރޯންއަށް ޚާއްސަަކޮށްގެން އުފައްދާ ވެކްސިންގެ ޓްރެއަލް ފެށިކަން ހާމަކޮށްފައިވަނިކޮށެވެ.
މޮޑާނާއިން ބުނެފައިވަނީ މޮޑާނާ ވެކްސިންގެ ތިންވަނަ ޑޯޒުން ވޭރިއަންޓާއި ދެކޮޅަށް އެންޓޮބޮޑީސް އުފައްދައިދޭ މިންވަރު އިތުރުކޮށްދޭކަމަށެވެ. ނަމަވެސް ބޫސްޓަރ ޑޯޒް ޖަހާތާ 6 ތެރޭގައި އެންޓިބޮޑީސް އުފައްދާ މިންވަރު ދަށަށްދާކަމަށް އެކުންފުނިން ބުނެއެވެ.
މޮޑާނާއިން ބުނީ އޮމިކްރޯން އަށް ޚާއްސަކޮށްގެން އުފައްދާ ޑޯޒް ޓެސްޓްކުރާނީ އުމުރުން 18 އަހަރުން މަތީގެ މީހުންނަށްކަމަށެވެ. ޓެސްޓްތައް ކުރިޔަށް ގެންދިޔުމަށް ބޫސްޓަރ ޑޯޒް ދޭނީ މީގެކުރިން މޮޑާނާގެ ދެ ޑޯޒް ޖަހާފައިވާ މީހުންނާއި އެއް ވެކްސިނަކުން ފުރަތަމަ ދެ ޑޯޒް އަދި ބޫސްޓަރ ޑޯޒް ޖަހާފައިވާ މީހުންނަށް ކަމަށް މޮޑާނާއިން ބުނެއެވެ.
މޮޑާނާއިން އަންނަނީ މި ދެ ކެޓަގަރީން 300 މީހުންނަށް ވެކްސިން ދީގެން ޓެސްޓްތައް ކުރިޔަށް ގެންދިޔުމަށް މަސައްކަތްކުރަމުންނެވެ.
އެމެރިކާގެ ސެންޓަރ ފޮރ ޑިޒީސް ކޮންޓްރޯލް އެންޑް ޕްރިވެންޝަނުން މިހާތަނަށް ކޮށްފައިވާ ތިން ދިރާސާއިންވެސް ހާމަވެފައިވަނީ ފައިޒަރ އާއި މޮޑަނާއިން އުފައްދާފައިވާ ވެކްސިންތަކަކީ އޮމިކްރޯން އާ ދެކޮޅަށް އެންމެ ރަނގަޅަށް މަސައްކަތްކުރާ ވެކްސިންތައްކަމެވެ.
