ތޮއްޑޫ ކައުންސިލުގެ ފުޓްސެލް ޗެމްޕިއަންކަން ޔަންގް ސްޓާ، އަދި ހޭންޑްބޯލް ޗެމްޕިއަންކަން ފްލެމިންގޯއިން ހޯދައިފި

އއ. ތޮއްޑޫ ކައުންސިލުން އިސްނަގައިގެން މި ޖެނުއަރީ މަހުގެ 1 ވަނަ ދުވަހު ފެށި ކައުންސިލް ޗެލެންޖް ކަޕްގެ ފައިނަލް މެޗުތައް ކުޅެފިއެވެ.

ހޮނިހިރު ދުވަހުގެ ރޭ ކުލުނު ފުޓުސަލްގެ ފައިނަލްގައި ޔަންގް ސްޓާރއާއި އެފްސީ ގޯލްޑް ފިޝް ބަައްދަލު ކުރި މެޗް 3-0 ކާމިޔާބުކޮށް ޗެމްޕިއަންކަން ހޯދައިފައިވަނީ ޔަންގް ސްޓާރއެވެ. އަދި މެޗުގެ މޮޅު ކުޅުންތެރިއަކަށް ހޮވިފައިވަނީ ޔަންގް ސްޓާގެ އަހުމަދު ޝަމީމެވެ.

ހޭންޑް ބޯލް ފައިނަލްގައި ބައްދަލުކުރީ ފްލެމިންގޯއާއި ރިދަން ޓީމެވެ. މި މެޗް 2-1ގެ ނަތީޖާ އަކުން ފްލެމިންގޯ މެޗް ކާމިޔާބުކުރިއިރު، މެޗްގެ މޮޅު ކުޅުންތެރިއަކަށް ހޮވިފައިވަނީ ފްލެމިންގޯ ޓީމްގެ ޝިފްޒާއެވެ.

ތޮއްޑޫ ކައުންސިލް ޗެލެންޗް ކަޕްގައި ފުޓްސަލް ޚާއްސަކޮށްފައިވަނީ ފިރިހެނުންނަށެވެ. އަދި އަންހެނުންނަށް ޚާއްސަކޮށް ބޭއްވީ ހޭންޑްބޯލްއެވެ.

ތޮއްޑޫ ކައުންސިލް ޗެލެންޖް ކަޕްގައި ފުޓުސެލް 8 ޓީމާއި ހޭންޑްބޯލް 4 ޓީމެއްވަނީ ބައިވެރިވެފައެވެ.