އަހަރުގެ ފުރަތަމަ ދުވަހު ކޮވިޑަށް ޕޮޒިޓިވްވީ 191 މީހުން

ޖެނުއަރީ މަހުގެ 1 ވަނަ ދުވަހު ރާއްޖެއިން 191 މީހުން ކޮވިޑް-19ށް ޕޮޒިޓިވްވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)ން އާންމުކޮށްފައިވާ ތަފާސްހިސާބުތަކަށް ބަލާއިރު ފާއިތުވި 24 ގަޑިއިރު ތެރޭގައި ނަގާފައިވާ 3433 ސާމްޕަލްގެ ތެރެއިން މާލެ ސަރަހައްދުން ޕޮޒިޓިވްވީ 53 މީހުންނެވެ. އަތޮޅުތަކުން 68 މީހުން ޕޮޒިޓިވްވިއިރު ހިނގަމުންދާ ރިސޯޓްތަކުން 66 މީހުން ވަނީ ކޮވިޑަށް ޕޮޒިޓިވްވެފައެވެ. މިއާއެކު ރާއްޖެއިން ކޮވިޑް-19ށް ޕޮޒިޓިވްވީ މީހުންގެ އަދަދު ވަނީ 95،891ށް އަރާފައެވެ. މިވަގުތު އެކްޓިވް ކޭހުގެ ގޮތުގައި ގުނަމުން އަންނަނީ 2381 ކޭހެކެވެ. އޭގެތެރެއިން 16 މީހަކަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ.

262 މީހަކު ވަނީ މިބަލީގައި ނިޔާވެފައެވެ.

ރާއްޖޭގައި މިފަހަކުން ރިސޯޓްތަކުން ފެންނަމުންދާ ކޭސްތައް ވަނީ އިތުރުވާން ފަށާފައެވެ.