އިތުރު 341 މީހުން ބޫސްޓަރ ޑޯޒް ޖަހައިފި
ބޫސްޓަރ ޑޯޒް ޖެހި މީހުންގެ އަދަދު ވަނީ 25،925ށް އަރާފައި
ވެކްސިން ޖެހުމުގެ ގައުމީ ކެމްޕޭންގެ ތެރެއިން ޓްރީ ޓޮޕް ހޮސްޕިޓަލުގައި ވެކްސިން ދިނުމުގެ މަސައްކަތް ކުރިއަށް ދަނީ
ރާއްޖެއިން އިތުރު 341 މީހުން ކޮވިޑް-19 ވެކްސިންގެ ބޫސްޓަރ ޑޯޒް ޖަހައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން އެންމެ ފަހުން އާންމުކޮށްފައިވަނީ ބުދަ ދުވަހު ވެކްސިން ޖަހާފައިވާ މީހުންގެ ތަފާސްހިސާބެވެ. އެގޮތުން ބުދަ ދުވަހު ބޫސްޓަރ ޑޯޒް ޖެހި 341 މީހުންގެ ތެރޭގައި ހިމެނެނީ މާލެ ސަރަހައްދުން ބޫސްޓަރ ޑޯޒް ޖެހި 100 މީހުންނާއި އަތޮޅުތަކުން ބޫސްޓަރ ޑޯޒް ޖެހި 241 މީހުންނެވެ. މިއާއެކު ރާއްޖޭގައި ބޫސްޓަރ ޑޯޒް ޖެހި މީހުންގެ އަދަދު ވަނީ 25،925ށް އަރާފައެވެ.
ބުދަ ދުވަހު ވެކްސިންގެ ފުރަތަމަ ޑޯޒް 34 މީހަކު ވަނީ ޖަހާފައެވެ. އެއީ މާލެ ސަރަހައްދުން 21 މީހުންނާއި އަތޮޅުތަކުން 13 މީހުންނެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 396،779ށް އަރާފައެވެ.
ބުދަ ދުވަހު ދެވަނަ ޑޯޒް ޖަހާފައިވަނީ 104 މީހުންނެވެ. އެއީ މާލެ ސަރަހައްދުން 63 މީހުންނާއި އަތޮޅުތަކުން 41 މީހުންނެވެ. މިއާއެކު ދެވަނަ ޑޯޒް ޖެހި މީހުންގެ އަދަދު ވަނީ 367،450ށް އަރާފައެވެ.
