މާލެ ސަރަހައްދުން ޕޮޒިޓިވްވި 49 މީހުންނާއެކު އިތުރު 120 މީހުން ކޮވިޑަށް ޕޮޒިޓިވްވެއްޖެ

ރާއްޖެއިން އިތުރު 120 މީހުން ކޮވިޑް-19ށް ޕޮޒިޓިވްވެއްޖެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)ން އެންމެ ފަހުން އާންމުކޮށްފައިވާ ތަފާސްހިސާބުތަކަށް ބަލާއިރު ޕޮޒިޓިވްވި 120 މީހުންގެ ތެރެއިން މާލެ ސަރަހައްދުން ޕޮޒިޓިވްވެފައިވަނީ 49 މީހުންނެވެ. އަތޮޅުތަކުން 44 މީހުން ޕޮޒިޓިވްވިއިރު ހިނގަމުންދާ ރިސޯޓްތަކުން 27 މީހުން ވަނީ ކޮވިޑަށް ޕޮޒިޓިވްވެފައެވެ. މިއާއެކު ރާއްޖެއިން ކޮވިޑަށް ޕޮޒިޓިވްވީ މީހުންގެ ޖުމްލަ އަދަދު ވަނީ 95،540ށް އަރާފައެވެ. މީގެތެރެއިން މިވަގުތު އެކްޓިވް ކޭހުގެ ގޮތުގައި 2223 ކޭހެއް އަންނަނީ ގުނަމުންނެވެ. އަދި 18 މީހަކަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ. 93،042 މީހުން ވަނީ މިހާތަނަށް ބަލިން ރަނގަޅުވެފައެވެ.

262 މީހަކު ރާއްޖެއިން މިބަލީގައި ނިޔާވެފައިވެއެވެ.

ރާއްޖޭގައި މިފަހަކުން ވަނީ ކޮވިޑްގެ ކޭސްތަކުގެ އަދަދު އިތުރުވެފައެވެ. އެގޮތުން ފާއިތުވި ދުވަސްތަކުގައި ރިސޯޓްތަކުން ކޮވިޑަށް ޕޮޒިޓިވްވާ މީހުންގެ އަދަދު ވަނީ އިތުރުވެފައެވެ.