ރާއްޖެއިން ކޮވިޑް-19 ޖެހުނު މީހުންގެ ޖުމްލަ އަދަދު 94،000ން މައްޗަށް
ފާއިތުވި 24 ގަޑިއިރު ރާއްޖެއިން ކޮވިޑް-19 ޖެހިފައިވަނީ 100 މީހުންނަށް
ކޮވިޑް19އަށް ޓެސްޓުކުރުމަށް ސާމްޕަލް ނަގައިގެންދަނީ
ރާއްޖެއިން ކޮވިޑް-19 ޖެހުނު މީހުންގެ ޖުމްލަ އަދަދު 94،057ށް އަރައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން އެންމެ ފަހުން އާންމުކޮށްފައިވާ ތަފާސްހިސާބުތަކަށް ބަލާއިރު، ފާއިތުވި 24 ގަޑިއިރު ރާއްޖެއިން ކޮވިޑް-19 ޖެހިފައިވަނީ 100 މީހުންނަށެވެ. އޭގެތެރޭގައި ހިމެނެނީ މާލެ ސަރަހައްދުން 22 މީހުންނާއި އަތޮޅުތަކުން 51 މީހުންގެ އިތުރުން ހިންގަމުންދާ ރިސޯޓްތަކުން 27 މީހުންނެވެ. ރާއްޖެއިން މިހާތަނަށް 91،832 މީހުން ވަނީ މިބަލިން ފަސޭހަވެފައެވެ. މިވަގުތު އެކްޓިވް ކޭހުގެ ގޮތުގައި ގުނަމުން އަންނަނީ 1952 ކޭހެވެ. މީގެތެރެއިން 12 މީހަކަށް އަންނަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދެމުންނެވެ.
މިހާތަނަށް 260 މީހަކު ވަނީ މިބަލީގައި ނިޔާވެފައެވެ.
ރާއްޖޭގެ ކޮވިޑްގެ ހާލަތަށް ބަލާއިރު މާލެ ސަރަހައްދުން ފެންނަ ކޭސްތަކުގެ އަދަދު ވަކި މިންވަރެއްގައި ހިފެހެއްޓިފައި ހުރިނަމަވެސް، އަތޮޅުތަކުން ފެންނަމުންދާ ކޭސްތަކުގެ އަދަދު އަދިވެސް ހުރީ މަތީގައެވެ.
