ކޮވިޑް-19 ޖެހިގެން ރާއްޖެއިން ނިޔާވި މީހުންގެ އަދަދު 260ށް އަރައިފިއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)ން އާންމުކޮށްފައިވާ ތަފާސްހިސާބުތަކަށް ބަލާއިރު، ކޮވިޑް-19 ޖެހިގެން، މި ޑިސެމްބަރ މަހުގެ މިހާތަނަށް 10 މީހަކު ވަނީ ނިޔާވެފައެވެ. ޑިސެމްބަރ މަހުގެ 1 ވަނަ ދުވަހު އުމުރުން 79 އަހަރުގެ ދިވެހި ފިރިހެނަކު ކޮވިޑް ޖެހިގެން ނިޔާވެފައިވާއިރު، ޑިސެމްބަރ މަހުގެ 4 ވަނަ ދުވަހު 93 އަހަރުގެ ދިވެހި ފިރިހެނަކު ވަނީ ނިޔާވެފައެވެ. އަދި ހަމަ އެދުވަހު 92 އަހަރުގެ ދިވެހި ފިރިހެނަކު ވަނީ ކޮވިޑް ޖެހިގެން ނިޔާވެފައެވެ. ޑިސެމްބަރ މަހުގެ 5 ވަނަ ދުވަހު 77 އަހަރުގެ ދިވެހި އަންހެނަކު ކޮވިޑް ޖެހިގެން ނިޔާވިއިރު، ހަމަ އެދުވަހު ވަނީ 79 އަހަރުގެ ދިވެހި ފިރިހެނަކުވެސް ކޮވިޑް ޖެހިގެން ނިޔާވެފައެވެ.

ޑިސެމްބަރ މަހުގެ 10 ވަނަ ދުވަހު އުމުރުން 82 އަހަރުގެ ދިވެހި ފިރިހެނަކު ކޮވިޑް ޖެހިގެން ނިޔާވިއިރު ޑިސެމްބަރ މަހުގެ 11 ވަނަ ދުވަހު އުމުރުން 83 އަހަރުގެ ދިވެހި ފިރިހެނަކު ވަނީ ނިޔާވެފައެވެ. ޑިސެމްބަރ މަހުގެ 12 ވަނަ ދުވަހުގެ އުމުރުން 80 އަހަރުގެ ދިވެހި އަންހެނަކު ނިޔާވިއިރު ޑިސެމްބަރ މަހުގެ 15 ވަނަ ދުވަހު 62 އަހަރުގެ ދިވެހި ފިރިހެނަކު ވަނީ ނިޔާވެފައެވެ. އަދި ޑިސެމްބަރ މަހުގެ 20 ވަނަ ދުވަހު އުމުރުން 85 އަހަރުގެ ދިވެހި ފިރިހެނަކު ވަނީ ކޮވިޑް ބަލީގައި ނިޔާވެފައެވެ.

ކޮވިޑް-19 ޖެހިގެން ނޮވެމްބަރ މަހު 7 މީހަކު ވަނީ ނިޔާވެފައެވެ.

ރާއްޖެއިން މިހާތަނަށް އައިއިރު ކޮވިޑް-19، 93،957 މީހުންނަށް ވަނީ ޖެހިފައެވެ.