ވެކްސިން ފުރިހަމަކުރި މީހުންގެ އަދަދު 366،210ށް!
ފުރަތަމަ ޑޯޒު ޖަހާފައިވަނީ 396،369 މީހުން
ކޮވިޑުން ރައްކާތެރިވުމަށް ޖަހަމުން އަންނަ ވެކްސިން
ރާއްޖޭގައި ވެކްސިންގެ ދެ ޑޯޒު ޖަހާފައިވާ މީހުންގެ ޖުމްލަ އަދަދު 366،210ށް އަރައިފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ން ބުނީ އާދީއްތަ ދުވަހު ވެކްސިންގެ ދެވަނަ ޑޯޒް 45 މީހުން ޖަހާފައިވާކަމަށެވެ. އޭގެތެރެއިން މާލެ ސަރަހައްދުން 17 މީހުން ދެވަނަ ޑޯޒް ޖަހާފައިވާއިރު އަތޮޅުތަކުން ދެވަނަ ޑޯޒް ޖަހާފައިވަނީ 28 މީހުންނެވެ.
މީގެއިތުރުން އާދީއްތަ ދުވަހު ވެކްސިންގެ ފުރަތަމަ ޑޯޒް 11 މީހުން ވަނީ ޖަހާފައެވެ. އެއީ މާލެ ސަރަހައްދުން ފަސް މީހުންނާއި އަތޮޅުތަކުން ހަ މީހުންނެވެ. މިއާއެކު ވެކްސިންގެ ފުރަތަމަ ޑޯޒް ޖެހި މީހުންގެ އަދަދު ވަނީ 396،369ށް އަރާފައެވެ.
އާދީއްތަ ބޫސްޓަރ ޑޯޒް ޖަހާފައި ވަނީ 206 މީހުންނެވެ. އޭގެތެރެއިން މާލެ ސަރަހައްދުން 47 މީހުން ބޫސްޓަރ ޑޯޒް ޖަހާފައިވާއިރު އަތޮޅުތަކުން ބޫސްޓަރ ޑޯޒް ޖަހާފައިވަނީ 159 މީހުންނެވެ.
އެޗްޕީއޭ އިން މިހާރު ބޫސްޓަރ ޑޯޒު ޖަހައި ދެމުންދަނީ ފްރަންޓްލައިންގައި މަސައްކަތްކުރާ ސިއްޙީ ޚިދުމަތްތެރިންނަށާއި، 60 އަހަރުންމަތީގެ މީހުންނަށާއި، ދިފާއީ ނިޒާމު ބަލިކަށި މީހުންނަށެވެ. މީގެ ތެރޭގައި ހަށިގަނޑުގެ ގުނަވަނެއް ބަދަލުކޮށްފައިވާ މީހުންނާއި، ހަށިގަނޑުގެ ދިފާއީ ބާރު ދެރަކުރާ ފަދަ ބޭސްތައް ބޭނުންކުރާ މީހުން ހިމެނެއެވެ.
